Terheijden

[1]

Wij Cornelis Adriaen Rombouts zone ende Christiaen Back Frans zone schepenen Ter Heijden oirconden dat voor ons quam  ǁ Melis Melis Smits zone, ende lijde dat hij met wel believen ende consente van Matheeus Dyrckx zone van den Langencruys alzoo  ǁ de zelve Matheeus oick mede voor ons schepenen voors. iegenwoordich staende verclaerde ende bekende, wittelick om ende  ǁ mits een somme van gelde hem vol ende al betaelt zijnde vercoft heeft Henricken Rutgheer Adriaens zone vorster Ter Heyden, thuijs ende  ǁ erve met zijn toebehoirte ende metten hof daer aen liggende in desen doorsteken schepenenbrieve begrepen, Tot alsulcke stadt gestaen ende gelegen  ǁ met alsulcken commer ende waernisse, Ende voirt in alle der zelver vorwaerden ende manieren als de brief inhoudt ende begrijpt daer dese  ǁ brief met onse zegelen bezegelt doorgesteken is, wesende van date int jaer XV^C drieentzestich negen dage in octobri, wel  ǁ verstaende dat de koije die hier op te staen plach alnu daer af is, in welck vercofte huijs ende erve metten hof daer aen liggende voors. ǁ de voorgenoemde Henricken Rutgheer Adriaens zone gevest is ende toegedaen met vonnis ende met recht, zoo dat hem zeker is ende vast, met  ǁ vorwaerde dat hij hier af doen zal alle gebuerlick recht, In oirconden desen brieve met onse zegelen bezegelt, int jaer ons Heeren duijsent  ǁ vijfhondert achtentzestich, drieentwintich dage in meerte. ǁ J. Corput  ǁ

[2]

Wij Cornelis Adriaen Rombouts zone ende Christiaen Back Frans zone schepenen Ter Heyden oircond[en] ǁ dat voir ons quamen Cornelie Cornelis Jacops dochter van Hertel, wedue wijlen Denys Cornelis  ǁ Brouwers zoons, met Cornelisen Kerstiaen Anssems zone heuren medezwager ende voight heur  ǁ met recht gegeven, Marie Jan Boy[d]ens dochter heur zuster van halven bedde, metten voirgenoemde Cornelisen  ǁ  Kerstiaen Anssems zone heuren man ende voight, ende Mechtelt Jan Boydens dochter, met  ǁ Henricken Andries Claes Zweeren zone heuren man ende voight, Ende lijden dat zij vercoft ǁ hebben om een somme van gelde die hen vol ende al betaelt is Melisen Melis Smits zone, ǁ een huijs koije ende erve met zijn toebehoirte, ende metten hof daer aen liggende, dwelck  ǁ hen drie gezusteren vercooperssen voirgenoemd van wijlen Marien Anthonis Kerstiaens dochter  ǁ yerst wijlen Cornelis Jacops zoons van Hertel ende naederhant wijlen Jan Boydens huijsfrou  ǁ hon alder moeder was toegecomen ende aenbestorven is, zoo zij zeijden, gestaen ende gelegen  ǁ Ter Heyden int dorp neven sHeeren strate opte oostzijde, ende Henrick Scheyfs chirurgiens  ǁ huijs ende erve ende oick eensdeels Jacop Jans zoons van den kerckhof koije ende erve beijde  ǁ opte westzijde, voir te weten zuijtwaert oick aen sHeeren strate comende, ende achter te weten  ǁ noortwaert aen des voirs. Jacop Jans zoons van den Kerckhof hof ende erve, Te vrijen ǁ ende te waren tvercofte huijs koije ende erve metten hof daer aen liggende voirs., met twee  ǁ rijns gulden zess stuvers ende een half ort stuvers elcken Rijns gulden tot veertich grooten  ǁ vleems erfchijns der Tafele sHeijlichs Geests tot Breda, daer jaerlicx uutgaende, zonder  ǁ ennigen anderen commer, In welck vercofte huijs koije ende erve metten hof daer aen liggende  ǁ voirs. de voirgenoemde Melis Melis Smits zone gevest is ende toegedaen met vonnis ende met  ǁ recht, zoo dat hem zeker is ende vast, met vorwaerde dat hij hier af doen zal alle gebuerlick  ǁ recht, In oirconden desen brieve met onse zegelen bezegelt, int jaer ons Heeren duijsent  ǁ [vijf hondert] drieentzestich, negen dage in octobri. ǁ J. Corput  ǁ

In dorso:

Melis Melis Smits  ǁ Henrick Rutgheer Adriaens  ǁ vorster Ter Heyden  ǁ