Breda

Wij Jan van Lijer ende Jan vanden Wouwer scepenen in Breda, oirconden dat voir ons quamen Jan Aerts zone van Lyer de Jonge, ǁ ende Kathelijn Aerts dochter van Lyer zijn zuster wedue wijlen Frans Florijs Charijns zo[o]ns met Henricken vanden Laer heuren voight heur ǁ met recht gegeven , Ende lijden dat zij vercoft hebben om een somme van gelde die hen vol ende al betaelt is, Claesen Dijrck Cornelis zone ǁ de twee karolus gulden t stuck tot veertich grooten vleems tsiaers erfchijns in desen doirsteken scepenenbrieve begrepen, Te gelden ǁ ende te betalen alle jaer de vercofte twee karolus gulden erfchijns voirs. den voirgen(oemden) Claesen Dijrck Cornelis zone ende zijnen ǁ nacomelingen, in alsulcken paeijmente, op alsulcken chijnsdach, uut alsulcken onderpandt, met alsulcken waernissen ter quijtinge, ǁ ende voirt in alle der zelver vorwaerden ende manieren als de brief inhoudt ende begrijpt daer dese brief met onse zegelen besegelt ǁ doirgesteken is, wesende vander daten int jaer XV^C vijerendedertich zeven dage in januario, Ende voirts zoo geloofden de voirgenoemden ǁ Jan Aerts zone van Lijer ende Kathelijn Aerts dochter van Lijer sijn suster met heuren voight den onderpandt vande twee karolus gulden ǁ tsiaers voirs. in desen doirsteken scepenenbrieve begrepen daer voir altijt goet genouch te houden ende te doen houden met alle ǁ hon eijgen goeden ruerende ende onruerende die sij nu ter tijt hebben ende namaels vercrijgen sullen mogen die sij oick daer voir ǁ verbijnden, Dies eest vorwaert dat de selve Jan ende Kathelijn sijn suster vercooperen ende hon nacomelingen om hon goeden vande ǁ verbijntenisse voirs. te vrijen, de vercofte twee karolus gulden erfchijns voirs. altijt wederom aen hen selven nemen ende lossen ǁ sullen mogen inder zelver manieren zoo als die ter quijtinge staen nae uutwijzen van desen doirsteken scepenenbrieve, Ende het is ǁ vorwaert dat de chijns die vande twee karolus gulden voirs. verschenen is tSint Jans dage in junio int jaer XV^C tweenvijftich  ǁ lestleden den voirgenoemde Claesen Dijrck Cornelis zone volgen sal, In welcke vercofte twee karolus gulden erfchijns voirs. de voirgenoemde ǁ Claes Dijrck Cornelis zone gevest is ende toegedaen met vonnis ende met recht, zoodatse hem zeker sijn ende vast, met ǁ vorwaerde dat hij hier afdoen sal alle gebuerlick recht. In oirconden desen brieve met onse segelen bezegelt, int jaer ons ǁ heeren duijsent vijfhondert tweendevijftich achthien dage in julio. ǁ v.d. Corput ǁ