Terheijden

Wij Pauwels Daniel Pauwels sone ende Aert Peter Willems sone scepenen Ter Heijden ǁ oirconden dat voir ons quam, Merten Huych Mertens sone, ende lijde dat ǁ hij vercoft heeft om een somme van gelde die hem vol ende al betaelt is, ǁ Merten Jan Daniels sone van Leyden, een stuck lants houdende omtrent ǁ een half buynder oft alsoo groot ende cleyn alst gelegen is op cluppelenbosch ǁ noortwairt ende oostwairt aen Thielman Michiel Claes zoons erve, suydwairt ǁ aen Cornelis Pauwels zoons erve ende westwairt aen Adriaen Michielss. ǁ wedue ende erfgenaem erve, met eenen erfgebruyckwech over Adriaen Michielss. ǁ wedue ende erfgenaem erve, ende voirt over des voirs. Merten Jan Daniels soons ǁ ander erve, gelijck dair met recht sculdich is over te weghen, te vrijen ende ǁ te waeren tstuck lants voirs. met drie veertelen rogs erfpachts, ende met ǁ sijnen aengedeelt vande oude groonen erfchijns dair jairlicx uutgaende, welck ǁ stuck lants voirs. de voirgen. Merten Huych Mertens sone onlancx geleden ǁ van Marien Jan Daniels dochter van Leyden met heuren man ende voight ǁ ende van Cornelien Jan Daniels dochter heur suster met heuren voight ǁ vercregen hadde nae uutwijsen eens scepenenbriefs dair af zijnde, in date int ǁ jair duysent vijfhondert sevenendedertich drie dage in februario, in welck ǁ stuck lants voirs. de voirgen. Merten Jan Daniels sone gevest is ende ǁ toegedaen met vonnis ende met recht, soe dat hem seker is ende vast met ǁ vorwairde dat hij hier af doen sal alle gebuerlic recht, in oirconden ǁ desen brieve met onse segelen besegelt, int jair ons heeren duysent ǁ vijfhondert achtendedertich twee dage in aprille ǁ J. v. de Corput ǁ

Dorsale aantekening:
Merten Jan Daniels sone ǁ van g[..]straten