Terheijden

Wij Cornelis Belgiaerts ende Anthonis Lambrechts van Dongen, schepenen Ter Heijden oirconden dat voor ons quam, ǁ Henrick Peeter Wouterssone, ende lijde dat hij vercoft heeft om een somme van gelde die hem vol ende al betaelt ǁ is, Jenneken en Adriaen Andries dochter wedue wijlen Jan Huijgen, soo voor heur selven als inden name van heure ǁ ende des voors. heurs mans kijnderen, een stuck lants groot omtrent twee buijnder, oft alsoo groot ende cleijn ǁ ombegrepen der maeten alst gelegen is onder Ter Heijden op Waegenberch, int bosch, oostwaert aen Dingman ǁ Anthonis Rombouts ende Cornelis Peeter Daenen [***]en suijtwaert ende westwaert aen Rombout Janssen ǁ ende Adriaen Jan Bloeijkens erven, ende nootwaert aende gebuerstraete.te vrijen ende te waeren ǁ t’vercofte stuck lants voors., met thien stuijvers t’stuck tot twee grooten Vleems tsjaers, der kerck ǁ Ter Heijden, ende metten gerechten heeren chijns, daer jaerlijckx uuijtgaende sonder eenigen anderen ǁ commer, behoudelijck eenen ijegelijcken sijn erffwegen ende erffwaeterlaeten daer over te ǁ gebruijcken, die daer met recht schuldich sijn over te wegen ende te gaen, in welck vercofte stuck lants ǁ voors. de voorgenoemde Jenneken Adriaen Andries dochter soo voor heur selven als inden name ende tot ǁ behoeff vande voors. kijnderen, gevest is ende toegedaen met vonnis ende met recht, soo dat hen seker is ǁ ende vast, met voorwaerde dat sij hier aff doen sullen alle gebuerlijck recht, in oirconden desen brieve ǁ met onse segelen besegelt, int jaer ons heeren duijsent sesshondert ende vijffendertich negen daeghe in ǁ januario. ǁ C.de Roij ǁ 1635 ǁ

In dorso:

De wedue ende kijnderen ǁ van Jan Huijgen ǁ