Terheijden

Wij Godert Cornelis Lenaerts, ende Jaspar Martens zone van Leijden schepenen ǁ Ter Heijden, doen condt eenenijegelijcken dat Adriaen van Eijnde gecoft heeft ǁ uuijt sheeren hant zijnen kennelijcken onderpant gelegen Ter Heijden op Vlasselt, ǁ toebehoorende Cornelisen van Baerle, aende welcken hem pandinge gelevert is ǁ voor een rente van twelff rijns gulden ende thien stuvers verschenen inde maent van ǁ meije anno XV^c drijentnegentich van bijnnen jaers, ende voor de costen van recht, ǁ ende dat dijen achtervolgende Henricke Gerijt Henrick Hubrechts dochter des ǁ voorscreven Adriaens van Eijnde huijsfrou, zoo voor heur zelven als inden name ǁ ende tot behoeff vanden voorgen. Adriaen van Eijnde heuren man inden opgewonnen ǁ onderpant voors. gevest is ende toegedaen met vonnis ende met recht, zoo dat hij ǁ hen seker is ende vast, behoudelijck eenenijegelijcken zijns rechts ende voircommers ǁ die daer met recht schuldich is voor uuijt te gaen, hijer toe is geschiet al ǁ datter nae recht schuldich was toe te geschieden, ende de heere is gewijst wa ǁ rant hijer aff te sijn als van bedingde goeden met voirwaerde dat men hijer aff ǁ doen sal alle gebuerlijck recht. In oirconden desen brieve met onse segelen ǁ bezegelt int jaer ons heeren duijsent vijffhondert drijentnegentich veerthien ǁ dage in decembri. ǁ A. Dijrven ǁ

In dorso:

Meester Adriaen van Eijnde ǁ