Vindplaats van het origineel
Regionaal Archief Tilburg, toegangsnummer 2324, Charterverzameling Drimmelen (en Made, Hooge en Lage Zwaluwe en Terheijden), inv.nr. 21.
28 juni 1796
Samenvatting oorkondetekst
Aflaatbrief verleend door paus Pius VI.
Transcriptie
Pius papa VI ǁ Ad perpetuam rei memoriam. Ad augendam fidelium religionem et animarum salutem caelestibus ecclesiae ǁ thesauris pia charitate intenti omnibus et singulis utriusque sexus christifidelibus vere paenitentibus et confessis ac sacra communione refectis qui ecclesiam sancti Bernardi ǁ loci de Maede Buscoducensis diocesis in uno anni die per ordinarium designare a primis vesperis usque ad occasum solis diei huiusmodi singulis annis devote visitaverint ǁ et ibi pro christianorum principum concordia, haeresum extirpatione ac sanctae matris ecclesiae exaltatione pias ad Deum preces effuderint plenariam. Insuper eisdem christiǁfidelibus etiam vere paenitentibus et confessis ac sancta communione refectis praedictam ecclesiam in eiusdem sancti Bernardi ac sancti Josephi festis diebus ac septem diebus respective immediate ǁ sequentibus praedictos dies festos ut supra vistare et ibidem orare plenariam similiter spatio uniuscuiusque ex prefatis octiduis per unumquemque christifidelem semel tantum ǁ respective quolibet anno ad sui libitum eligendo lucrifaciendam omnium peccatorum suorum indulgentiam et remissionem misericorditer in Domino concedimus. ǁ In contrarium faciendo non obstante quibuscumque praesentibus perpetuis futuris temporibus valituris. Datum Romae apud sanctum Petrum ad annulo Piscatoris ǁ die XXVIII iunii MDCCXCVI pontificatus nostri anno vigesimo secundo. ǁ R. card. Braschius de Honestis ǁ Indulgentias de quibus supra publicari ǁ permittimus diemque determinationi nostrae ǁ relictum designamus diem sancti Joanni evanǁgelistae sacrum. ǁ Actum in Schijndel die 3 decembris 1796 ǁ Ant. van Alphen, vicarius ǁ generalis diocesis Buscoducensis ǁ
In dorso:
A.M. ǁ numero 1 ǁ