Rome

Clemens papa XI ǁ Universis christifidelibus presentes litteras inspecturis salutem et apostolicam benedictionem. Ad augendam fidelium religionem et animarum salutem coelestibus ecclesiae thesauris pia charitate intenti ǁ omnibus utriusque sexus christifidelibus vere poenitentibus et confessis ac sacra communione refectis qui ecclesiam parochialem seu oratorium sancti Bernardi loci de Made sub dominio ǁ Hollandorum Buscoducensis diocesis non tamen regularium, cui ecclesiae eiusque cappellis et altaribus sive omnibus sive singulis eamque seu eas vel ea ancillarum seu illorum ǁ singulis vel singula etiam visitantibus nulla alia indulgentia reperitur concessa die festo eiusdem sancti Bernardi a primis vesperis usque ad occasum solis diei huiusmodi singulis ǁ annis devote visitaverint et ibi pro christianorum principum concordia, haeresum extirpatione ac sanctae matris ecclesiae exaltatione pias ad Deum preces effuderint plenariam ǁ omnium peccatorum suorum indulgentiam et remissionem misericorditer in Domino concedimus, presentibus ad decennium totum valituris. Volumus autem ut si alias christiǁfidelibus in quocumque alio anni die alteram ecclesiam seu capellam aut altare in ea situm visitantibus aliqua alia indulgentia perpetuo vel ad tempus nondum elapsum ǁ duratura concessa fuerit vel si vero impetratione, putatione, admissione seu publicatione presentium aliquid vel minimum detur aut sponte oblatum recipiatur, presentes nullae ǁ sint. Datum Romae apud sanctam Mariam Maiorem sub annulo Piscatoris die secunda iulii MDCCI pontificatus nostri anno primo. ǁ Gratis pro Deo et scripturaF. card. Oliverius ǁ

In dorso:

Sancto Norberto 3