Baarle-Nassau

Wij Jan Jacob Cheeuws sone ende Joost Henricx sone van Ghilse scepenen inǁ Baerle onder onsen heere van Nassou, doen condt eenenijegelijcken, dat Henrickǁ Jans sone de Jeger als gemechtich ende inden name vande erfgenamen van wijlen ǁ Maria Adriaen Nennen dochter weduwe was wijlen Jan Joosten soone met recht ǁ bedingt opgewonnen en de gecoft heeft uut sheerenhandt vrij een somme van geldeǁ die hij vol ende al betaelde daer hij se nae recht schuldich was te beheeren, te ǁ weten voir zess veertelen rogs eens toecomende van verschenen ende achterstelle ǁ pachte, alsulcken versterf ende gedeelt van goeden als Marien Gherits Wagemaeckers ǁ dochter wittige huijsfrou Jan Jan Houtermans soons is van wijlen Lijsbetthen ǁ Lenaert Jan Adriaens soons dochter heur suster was van halven bedde toegecomen ǁ ende aenbestorven is ende dien achtervolgende is de voirgenoemde Henrick ǁ Jans sone de Jeger tot behoef vande erfgenamen van wijlen Marie Adriaen ǁ Nennen dochter voirs. int bedingde versterft ende gedeelt van goeden voirs. gevest ǁ ende toegedaen met vonnis ende met recht, soo dat hen seker is ende vast ǁ behoudelick eenenijegelijcken sijns rechts ende voircommers die daer met ǁ recht schuldich is voir uut te gaen, hier toe is geschiet al datter naer recht ǁ schuldich was toe te geschien, ende de heere is gewijst warandt hier af te ǁ sijn als van bedingde goeden, met vorwaerde dat d[e] erfgenamen van wijlen| Maria Adriaen Nennen dochter voirs. hier af doen sullen alle gebuerlick ǁ recht. In oirconden desen brieve met onse segelen besegelt. Int jaer ons ǁ heeren duijsent vijfhondert acht en vijftich, achthien dage in januario ǁ d ǁ

In dorso:

Baerl ǁ