Baarle-Nassau

Wij Jan Jacop Cheeuws zone ende Henrick Jans zone Verhoeven schepenen in Baerle onder ǁ onsen heere van Nassou, oirconden dat op ten negenentwintichsten dach in januario ǁ int jaer XV^C ende tzestich Ludicx Sijle voor ons gecomen is in proprien persoone Wouter ǁ Cornelis Henricx zone van Ruethe, Ende lijde dat hij wittelick om ende mits een somme ǁ van gelde hem vol ende al betaelt zijnde vercoft getransporteert opgedragen ende ǁ overgegeven heeft, transporteerde droech op ende gaf over met behoirlicken ǁ vertheijen, ende met vonnis ende recht, Claesen Aert Pauwels zone van Nijewel, ǁ een hofstede ende erve, daer af thuijs dwelck daer op te staen plach ǁ in den voorzomer lestleden afgebrant is, gelegen tot Baerle te Looven, ǁ oostwaert aen Dijrck Merten Jan Goderts zoons erve, zuijtwaert aen ǁ Aert Pauwels zoons van Nijewel erve, ende westwaert ende noortwaert ǁ aen sHeeren strate, Te vrijen ende te waren de vercofte hofstede ende ǁ erve voorscreven met een quartier van een ort stuvers erfchijns te heeren ǁ chijnse, daer jaerlicx uutgaende, zonder ennigen anderen commer, beǁhoudelick dat se medepandt ende bijpandt blijven zal daer se met recht ǁ schuldich is medepandt oft bijpandt af te zijn, In welcke vercofte ǁ hofstede ende erve voorscreven de voorgenoemde Claes Aert Pauwels zone van Nijewel ǁ op ten dach der date ondergescreven gevest is ende toegedaen met vonnis ǁ ende met recht, zoo dat se hem zeker is ende vast, met vorwaerde dat ǁ hij hier af doen zal alle gebuerlick recht, In oirconden desen brieve ǁ met onse zegelen bezegelt, int jaer ons Heeren duijsent vijfhondert ǁ ende tzestich, derthien dage in februario. ǁ [***] ǁ

In dorso:

Claes Aert Pauwels zone ǁ van Nijewel ǁ