Baarle-Nassau

Wij Geeryt Abrahams de Vrytere, ende Adriaen Huybrechts van Reuthe schepenen in Baerle onder onsen heere van Nasǁsau, oirconden dat voor ons quamen, Jan Peeters de Meulder, soo voor hem selven, soo als voicht van de weesskijnderen ǁ van wijlen Adriaen Peeters de Meulder, Adriaen Huybrechts van Reuth als last ende procuratie hebbende van Cornelis ǁ Peeters de Meulder soo hij seijde, Maeyken Peeters de Meulder dochter met Hans Peeters haeren man ende ǁ voicht, ende de voors. Cornelis Peeters noch inden naeme van Henrickxken Bastiaens dochter daer moeder af ǁ was Quiryne Peeters de Meulder dochter, ende oock als last hebbende van Berthelmeeus Adriaen Peeters de ǁ Meulder volgende procuratie daer aff voor schepenen der heerlijckheijt van Eeckeren gepasseert opten sesǁten aprille, nu lestleden in desen jaere sesthienhondert ende negenthien, die hij thoonde, Ende lijde de comparenten ǁ voorgenoemt, elck inden naeme ende qualiteijt als voor, ende de comparenten mede uut crachte vande procuraǁtien voorgeruert, wittelijck vercoft te hebben om een somme van gelde die hen vol ende al betaelt is Adriaenen ǁ Jacops de Meulder, De stede ende erffenisse met alle heure toebehoorte ende metten erve daer aen liggende, ǁ soo onder de huijsinge schuere schaepskoije hovinge als weyde houdende omtrent een buijnder, gestaen ende ǁ gelegen tot Baerle te Bosschoven, oostwaert aen Laureys Cornelis van Hal erve, suijtwaert aen Adriaen ǁ Ghysbrecht Coppens erve, ende westwaert ende noortwaert aen sHeeren straete oft vroente, Item noch een stuck ǁ erffs soo onder lant als dries groot omtrent vijff vierendeel buijnders, gelegen daer omtrent, oostwaert aen Jan ǁ Jan Schuermans erve, suijtwaert aen sHeeren vroente, westwaert aen des voors. Jan Peeters de Meulder erve ǁ die hij behoudt genaemt Peerkens Stedeken ende noortwaert aen Jacop Cornelis Ioosten erve, Item noch een stuck lants genaemt den ǁ Langen Acker groot omtrent drie vierendeel buijnders gelegen inde Bosschovensche Acker, oostwaert aen sHeerenǁstraete, suijtwaert ende noortwaert aen Aert Henrick Backx erve, ende westwaert aen Adriaen Henrick ǁ Olislagers erve, Item noch een stuck lants genaempt Metten Ackerken, groot omtrent hondert ende vijftich ǁ roeden gelegen inde Oirdeelsche Acker, oostwaert ende noortwaert aen Abraham Willemssen erve, suijtwaert ǁ aen Henrick Bastiaens erve, ende westwaert aen Henrick Raemeijssen erve, Ende noch een stuck lants genaemt ǁ Het Heynnicxken groot oock omtrent hondert ende vijftich roeden, gelegen daer omtrent, oostwaert aen Adriaen ǁ Henrick Olislagers erve, suijtwaert aen Jan Jan Schuermans erve, westwaert aen sHeeren straete, ende noortǁwaert aen Henrick Goederts erve, Alsoo groot ende cleijn ombegrepen der maten als de vercofte stede ende erffeǁnissen voors. gestaen ende gelegen zijn, Te vrijen ende te waeren deselve stede ende erffenissen met seven loopenen rogs ǁ tsiaers Maeyken Fredericx weduwe nu huijsfrouw van Hans van Looven, met noch thien loopenen rogs ǁ tsiaers erffpachts der pastorije tot Baerle, met noch twee loopenen rogs tsiaers der Taeffele sHeijlichs Geests ǁ tot Breda, met noch ses Rijns gulden, ende vijfthien stuijvers, elcken Rijns gulden tot veertich grooten Vlems stuijvers ǁ erffchijns Peeter Peeter Knaeps, Ende metten gerechten heeren chijns, daer jaerlijckx uutgaende sonder enǁnigen anderen commer, In welcke vercofte stede huijsinge schuere schaepskoije hovinge ende erfenissen met alle ǁ heure toebehoorten voors., meester Henrick van Ghilse secretaris tot Baerle inden naeme ende tot behoeff vanden voorgenoemde ǁ Adriaen Iacops de Meulder gevest is ende toegedaen met vonnis ende met recht soo datse hem seecker sijn ende ǁ vast met voorwaerde dat hij hier aff doen sal alle gebuerlijck recht, In oirconden desen brieve met onse segelen beseǁgelt int jaer ons Heeren duijsent sesshondert ende negenthien vijffentwintich dage in junio. ǁ

F.A. Dyrven ǁ

Wij Geeryt Abrahams de Vrytere ende Adriaen Huybrechts van Reuthe schepenen in Baerle onder ǁ onsen Heere van Nassau, oirconden dat voor ons quam, Adriaen Iacops de Meulder, Ende lijde ǁ dat hij vercoft heeft om een somme van gelde die hem vol ende al betaelt is Jannen Peeters ǁ de Meulder sone, de stede huijsinge schuere schaepkoije hovingen ende erffenisse met alle ǁ heure toebehoorte ende metten erve daer aen liggende soo onder lant als weijde houdende, ǁ omtrent een buijnder, Ende voorts alle de andere percheelen van erven in desen doorsteken ǁ schepenen brieve begrepen, Tot alsulcke stadt gestaen ende gelegen met alsulcken comǁmer ende waernisse, Ende voorts in alle derselver voorwaerden ende manieren soo als ǁ den brieff inhoudt ende begrijpt daer desen brieff met onse segelen besegelt doorgesteken is, ǁ wesende van date huijden den vijffentwintichsten junij sesthienhondert ende negenthien ǁ in welcke vercofte stede huijsinge schuere schaepskoije hovinge ende erfenisse met alle ǁ heure toebehoorten voors., meester Henrick van Ghilse secretaris tot Baerle inden naeme ǁ ende tot behoeff vanden voorgenoemde Jan Peeters de Meulder gevest is ende toegedaen met vonǁnis ende met recht soo datse hem seecker sijn ende vast, Met voorwaerde dat hij hier ǁ aff doen sal alle gebuerlijck recht in oirconden desen brieve met onse segelen besegelt ǁ int jaer ons Heeren duijsent sesshondert ende negenthien vijffentwintich dage in ǁ junio. ǁ F.A. Dyrven ǁ