Alphen

Wij Henrick Wouter Janssen ende Merten Henricx zone vanden Kijeboom schepenen in Alfen, Oirconden dat voor ǁ ons quam Henrick Henricx zone van Ghilse, als gemechtich ende inden naeme van Henricken Vlemincx, meester ǁ Gherits van Mechelen zone, ende van Cathelijn Harman Jan Wiericx dochter, zijn huijsfrouw, bij de ǁ welcke de voorgen. Henrick Henricx zone van Ghilse mechtich gemaeckt is zonder wederroepen, om ǁ te doen tgene dat naebeschreven volght, alzoo hij zeijde te blijcken bij zeker acte van procuratie ǁ voor Henricken vander Wimpe als openbaer notaris ende getuijgen tot Turnhout gepasseert ǁ wesende van date int jaer duijsent vijffhondert eenentachtentich den zevensten februarij, ende ǁ lijde de voorgenoemde Henrick Henricx zone van Ghilse, dat achtervolgende tvercoop bij de constituenten ǁ voorgen. zelve gedaen zijnde, hij comparent voorgen. inde qualiteijt als voor, ende vuijt crachte ǁ vande procuratie voorgeruert, wittelijck getransporteert opgedragen ende overgegeven heeft ǁ transporteert draeght op ende geeft over met desen, Jannen Anthonis Sijmons zone voor hem ǁ zelven ende tot behoeff van zijne kijnderen, daer moeder aff was wijlen Aerde Harman Jan ǁ Wiericx dochter een gerecht vijfftedeel der voorgen. Cathelijn gecompeteert hebbende ǁ in ende vande stede ende erffenissen naebeschreven, daer aff den kijnderen Jan Anthonis Sijmons ǁ zoons voors. noch een vijfftedeel van hen zelfft wegen te voren toebehoort ende competeert ǁ ende dander drije vijfftedeelen behooren toe, den anderen kijnderen ende erfgenamen des voorschreven ǁ Herman Jan Wiericx zoons, zoo wij verstonden, dats te weten in ende vande stede geheijten ǁ den Sterckenbosch, huijsinge schuere hoije hovinge ende erffenisse met heure toebehoorte ende vanden ǁ erve daer aen liggende houdende omtrent twee ende een halff buijnder gestaen ende gelegen ǁ tot Alfen opten Goeden Tijt, oostwaert aende gebuerstrate, zuijtwaert aen Adriaen Claes ǁ Cornelis Swilden zoons erve, westwaert aen sheeren vroente ende noortwaert aen Jan Joost ǁ Cornelis Goossens zoons erve, ende noch in ende van een stuck lants houdende omtrent ǁ een buijnder, gelegen tAlfen in de Kerckhovensche acker, noortwaert ende oostwaert aen Gielis ǁ Stoffels zoons van Lier erve, zuijtwaert aen Gheerijt Jan Adriaens zoons, alias Bruijnerve, ende ǁ westwaert aen Jan Cornelis Henricx zoons erve, alzoo groot ende cleijn als de geheele stede ende ǁ erffenissen voors. gemeijn ende ongedeelt gestaen ende gelegen sijn, te vrijen ende te waeren ǁ t vercofte vijfftedeel in ende vande selve stede ende erffenissen met een vijfftedeel van drije zesteren ǁ rogt tsiaers, ende met sheeren chijns daer jaerlijcx vuijtgaende sonder ennigen anderen commer, in ǁ welcke vercofte vijfftedeel in ende vande stede ende erffenissen voors., de voorgenoemde Jan Anthonis ǁ Sijmons zone voor hem zelven ende tot behoeff van zijne kijnderen gevest is ende toegedaen met vonnis ende ǁ met recht zoo dat hen zeker is ende vast, met voorwaerde dat zij hijer aff doen zullen alle gebuerlijck ǁ recht, In oirconden desen brieve met onse zegelen besegelt int jaer ons heeren duijsent ǁ vijffhondert eenentachtentich zeven dage in meerte

Secretaris ǁ A. Dirven

Dorsale aantekening:

[***]