Alphen

Wij Jan Jan Claesse van den Bercboom ende Peeter Peeter Wijnant Michielsse sone sche ǁ penen in Alfen oirconden dat voor ons quam Willem Matheeusse Backer [ge] ǁ lijde dat hij vercoft heeft om een somme van gelde die hem vol ende al betaelt ǁ is Peeteren Peeter Boenders sone Een stuck erfs onder heijde ende weijde houdende ǁ omtrent twee buijnder daer aen de voorgenoemde Willem Bij opwinninge ge ǁ comen is volgende des schepenen opwinbrieffs daer aff alnu voor ons schepe ǁ nen voors. oock gepasseert sijnde, Alsoo groot ende cleijn ombegrepen der maten ǁ alst gelegen is tot Chaem aen den Houtdonckschen dijck in de Retten oostwaert aen ǁ sheeren Vroente, suijtwaert aen Henrick Anthonisse van Bedaff kinderen ende ǁ erffgenaemen erve westwaert aen Schouberg ende noortwaert aen den Hout ǁ doncksen dijck voors., te vrijen ende te waeren tvercofte stuck erfs voors. metten ǁ gerechten heeren chijns daer jaerlijckx vuijtgaende sonder ennigen anderen ǁ commer, Alsoo de elff loopenen rogs tsjaers die den vercooper daerop geheven ǁ ende tvoors. stuck erfs daer voor opgewonnen heeft mits dit vercoop doot ende ǁ te nijet sijn, In welck stuck erfs voors. den [***] Peeter Peeter Boenders sone ǁ gevest is ende toegedaen met vonnis ende met recht soo dat hem seecker is ǁ ende vast metten voorwaerde dat hij h[ier af doen] sal alle gebuerlijck recht In ǁ oirconden desen brieve met onse segelen besegelt int jaer ons heeren duijsent ǁ sesshondert ende elff negenthien [***]

F.A. Dijrven

Dorsale aantekening:

Peeter Peeter Boenders sone