Brussel (B)

Albert ende Isabel Clara Eugenia ǁ Infante van Spaignien byder gratien Goidts, Eertzhertogen van ǁ Oistenryck, hertogen van Bourgoignien van Lothryck van Brabant ǁ van Limborch van Luxemborch ende van Gelre, Graven van Habsborch ǁ van Vlaenderen van Arthois van Bourgoinen van Thirol, Palsgraven ǁ ende van Henegouwe van Hollandt van Zeelandt van Namen ende van ǁ Zutphen, Marckgraven des Heylichs Rycx van Roome, heere ende ǁ vrouwe van Vrieslandt van Salins, ende van Mechelen, vander stadt ǁ steden ende landen van Utrecht Overyssel ende Groeninghe etc. ǁ allen den ghenen die deze onse teghenwoirdige brieven sullen sien oft hoiren ǁ lesen saluyt, Van weghen onse lieven ende beminde die ǁ schepenen geswoeren ende gemeyne ingesetenen onser vryheyt van ǁ Oisterwyck gelegen inde meyerye onser stadt van Shertogenbossche ǁ is ons by heure supplicatie verthoont geweest, hoe dat voortyden ǁ by onse voorouders hertogen ende hertoginnen van Brabant der ǁ voirschreven onser vryheyt zyn gegundt ende verleent geweest ǁ verscheyden previlegien by de naecomelingen derzelver ende lestmael ǁ by onsen heere ende vadere den Coninck van Spaignen hoocloffelyck ǁ memorien geapprobeert ende geratificeert als blyckt by zynder ǁ Majesteyts oepene bezegelde brieven daervan synde, Ende op dat de ǁ voirschreven previlegien by lanckheyt van tyde nyet te nyette en gaen ǁ maer dat sy inmolabelyck moghen onderhouden wordden, Soe hebben ǁ die voirschreven supplianten ons seer oytmoedelyck gebeden om ǁ onse oepene brieven van ratificatien, confirmatien ende approbatien ǁ vande zelve hunne previlegien, waervan den teneur wan woorde ǁ te woorde alhier is geinsereert, ende luydt aldus, Philips, ǁ byder gratien Goidts Coninck van Ingelandt van Vranckryck, van ǁ Napels van Jheruzalem etc. Prince van Spaignen, Eertshertoge van ǁ Oistenryck, hertoge van Bouroignen van Lothryck van Brabant ǁ van Limborch van Luxemborch van Gelre, ende van Melanen ǁ [Onderaan pagina:] Confirmatie vande privilegien der vryheyt van Oisterwyck ǁ Grave van Habsbourch van Vlaenderen van Arthois van ǁ Bourgoignen, Palsgrave ende van Henegouwe van Hollant van ǁ Zeelant van Namen ende van Zutphen, prince van Zwave,   ǁ Marckgrave des Heylichs Rycx, heere van Vrieslandt van ǁ Salins, van Mechelen vande stadt steden ende landen van ǁ Uuytrecht, Overyssel ende Groeningen, allen den ghenen die desen ǁ onsen brieff zullen sien oft hoiren lesen saluyt, Doen te weetene, ǁ dat wy ontfangen hebben die supplicatie vande schepenen gesworen ǁ ende gemeyne ingesetene onser vryheyt van Oisterwyck, inhoudende ǁ hoe dat voortyden by onsen voorvaders hertogen van Brabant der ǁ voirschreven onser vryheyt zyn gegundt ende verleendt geweest verscheyden ǁ previlegien byde naecomelinge der selver ende lestmael by onsen heere ǁ ende vadere den Keysere geapprobeert ende geratificeert als ǁ blyckt by zynder majesteyts oepene bezegelde brieven daervan zynde met ǁ insertien vande zelve previlegien, ende zoe diezelve brieven van ǁ confirmatien oyck hiernae volgen van woorde te woerde, ǁ Kaerle, byder gratien Goidts, Roomsch Keyser altyt vermeerder ǁ s'Rycx, Coninck van Germanien van Castillien van Leon van Arragon ǁ van Navarre van Napels van Sicillien van Majorque van ǁ Sardanie, vanden Eylanden van Indien, vander vaster eerde vander ǁ zee Oceane, Eertzhertoge van Oisterrick, hertoge van Bourgoingnen ǁ van Lothrick van Brabant van Limborch van Luxemborch van Gelre ǁ Grave van Vlaenderen van Arthois van Bourgoingnen Palsgrave ǁ ende van Henegouwe van Hollandt van Zeelandt van Phirt van Ferette ǁ van Haguenauw, van Namen, Prince van Swave, Marckgrave ǁ des heylichs Rycx, here van Vrieslandt van Salins van Mechelen ǁ vander stadt steden ende lande van Utrecht van Overyssel van ǁ Groeningen, ende dominateur in Asien ende Affriquen, Allen ǁ den ghenen die deze onse brieve zullen sien oft hoiren lesen Saluyt ǁ Doen te weetene dat wy ontfangen hebben die supplicatie vanden ǁ schepenen geswoeren ende gemeyne ingesetenen onser vryheyt ǁ van Oisterwyck, inhoudende hoe dat zy supplianten by wylen hoger ǁ memorien onse voorsaten hertogen ende hertoginnen van Brabant dien ǁ Godt benade, gedoteert ende versien syn geweest van vele schoone ǁ previlegien daeraff de substantie in effecte hiernaevolght, Inden ǁ yersten dat wylen hertoge Henrick, hertoge van Lothryck ende van ǁ Brabant saliger gedachten inden jaere twelff hondert ende dertich ǁ den zelven supplianten verleent heeft alle alzulcke vrydicheden als hy ǁ dyen vanden Bossche verleent hadde, Behalven dat zy nyet en souden ǁ exempt syn vanden tollen, int aff ende op varen vanden watere genoempt ǁ den Ryn, Dwelck wylen vrouwe Johanna naemaels int jaer veerthien ǁ hondert ende twee geconfirmeert ende geratificeert heeft, Dat wylen ǁ hertoge Jan, hertoge van Lothryck ende van Brabant denselven ǁ supplianten int jaere dertienhondert vierenvyfftich gegeven ende ǁ geoctroyeert heeft een wekemerckt altyt binnen huere vryheyt te houden ǁ opten goensdach, ende twee jaermercten elck acht daghen duerende ǁ innegaende opten yersten dach vanden Meye, ende opten avont der ǁ heyliger appostelen, Simonis et Jude, met alsulcke vryheyden ǁ ende rechten als die vanden Bossche huere jaermercten ende ǁ weeckmercten houdende zyn, Ende voirts dat die voirschreven ǁ supplianten behouden ende gebruycken zouden vryelyck alzulcke ǁ previlegien ǁ rechten ende vryheyden als zy voermaels van zyne ouderen vercregen ǁ hadden, welcke previlegien ende octroy naemaels inden jaere veerthien ǁ hondert vierendertich by wylen hertogen Philips, hertoge van ǁ Bourgoingnen van Lothryck ende van Brabant oyck geconfirmeert ǁ ende geapprobeert is, Dat oyck wylen Wencelyn van Boheme hertoge ǁ van Lothryck ende van Brabant, inden jaere ons heeren ǁ dertienhondert vyffentzestich geconfirmeert heeft alle carten ǁ previlegien ende vryheyden die de voirschreven supplianten van ǁ zyne ouderen vercregen hadden, gelyck tzelve all naerder ǁ blyckt byden voirschreven brieven van previlegien ende confirmatien ǁ daeraff de teneur van woorde te woirde, hiernae volght ende ǁ is deze, Johanna dei gratia, ducissa Lutzemburgensis, Lotharingia, ǁ Brabantie et Limburgie sacrique impery Marchio, Universis et ǁ singulis presentes litteras inspecturis salutem omne bonum, ad notitiam ǁ vestram deducimus per presentes quod litteras inclite memorie domini ǁ Henrici dei gracien ducis Lotharingia illustris progemtoris nostri eius sigillo impendenti ǁ sigillatas nobis pro parte hominum seu universitatis ville nostre de ǁ Oisterwyck supplicantium nobis humiliter ut illas approbare et ǁ confirmare dignaremur exhibitas vidimus quarum tenor sequitur ǁ in hec verba, Henrici dei graien dux Lotharingia omnibus presentem paginam ǁ inspecturis salutem in domino universitaty vestre notum facimus ǁ quod nos illis apud Hosterwyck manentibus libertatem donavimus ǁ et eandem libertatem juramento meo, et ministerialium nobilium

meorum juramentis affirmavi perpetualiter eis observandum et ǁ electionem scilicete illis in Oisterwich dedimus quale ius libertatis ǁ sibi observare vellent, accepto consilio eligerunt ius libertatis ǁ burgensium de busco sibi dare, Quapropter significaminus omnibus ǁ fidelibus x[...]pianis quod nos eandem libertaten et ius libertatis quam ǁ contulimus illis in Busco scilicet illis in Hosterwich perpetualiter ǁ donavimus excepta aqua que nuncupatur Rhenum naves ascendendo ǁ et descendendo sine tollo non dedimus, Quia labilis est memoria ǁ hominum huius rei affirmationis testes sunt Wolterus Os, Justatius ǁ de Fine, Henricus Puyr, Gerardus Fumdelech, Jacobus de ǁ Gurwich, Gerardus de Dorne, Gerardus Walsche,      ǁ Henricus de Dale, Nicolaus de Dale, Gerardus de Holt, Si ǁ

quis hano libertatem quam perpetualiter contulimus scilicet illis ǁ in Oisterwyck insringere vel infestare voluerit sciat offensionem ǁ et immicitiam meam et nati mei de legitimo thoco perpetualiter ǁ incurrisse, et ut hoc ratum et inconvulsum scilicet illis in ǁ Oisterwich maneat super hoc litteras nostras dedimus sigillo nostro ǁ roboratas, hec acta sunt anno domini millesimo ducentesimo tricesimo in ǁ Busco Katherine, et hoc eis intersignium quando hec carta ǁ scribebatur quod ex alba scutella in pomerio domini Acrini de Hesseven ǁ vinum bibebant, Nos igitur attendentes quod justa petentibus non ǁ est denegandus assensus dictorum subditorum nerorum in hac parte ǁ supplicationibus inclinate prefatas litteras per clericos nostros examinari ǁ fecimus diligentur, et quia post examinationem huiusmodi reperte fuerunt ǁ suspitione carere queius fila quibus sigillum eis appendebat aparte sinistra ǁ confracta existerent litteras ipsas ac omnia contenta in eisdem approbando ǁ et ratificando in quantum in nobis est confirmanius et presentis scripti patrocinio ǁ communius, in quorum omnium testimonium presentes litteras fieri fecimus et sigilli ǁ nostri appensione muniri datum Bruxelle anno domini millesimo quadringentesimo ǁ secundo et die quinta aprilis secundum usum seu stilum Curie Cameracensis ǁ sic subscriptum, per dominam duccissam personaliter et signatum Braen, ǁ Philips byder gracien Goidts, hertoge van Bourgoignen van ǁ Lothryck van Brabant ende van Limborch, Grave van Vlaenderen ǁ van Arthois van Bougoingnen, Palatin van Henegouwe van Hollandt van ǁ Zeelandt ende van Namen, Marckgrave des heylichs Rycx here ǁ van Vrieslandt van Salins ende van Mechelen, allen den ghenen ǁ die desen onssen jegenwoirdigen brief zelen sien oft hoiren lesen, nu zynde ǁ ende naemaels wezende Saluyt, Want die schepenen ende ǁ goede lude gemeynlyck onser vryheyt van Oisterwyck ons ǁ hebben doen thoonen hoe onse lieve out vader wylen hertoge Jan ǁ hertoge van Lothryck van Brabant ende van Limborch ende Marcgrave ǁ des heylichs Rycx saliger gedachten hen met zyne opene brieven sekere ǁ vryheyden van jaermercten, weeckmercten, ende andere heeft verleent ǁ eeuwelyck ende emmermeer te hebben ende te gebruycken, welcke ǁ brieven by cleynen toesien nyet alzoe wel verwaert en syn geweest ǁ hoewel men de letteren alle wel leest, ende die Zegelen daeraf gans ǁ ende geheel noch zyn, zy en waeren geschapen binnen cortten tyden ǁ te nieuwte te gane beyde in geschrifte in zegele ende oyck inde ǁ carte dwelck hen ende hueren naecomelingen tot verderffelicker ǁ schaden comen mochte, ten waer dat wy by onser gracien ende ǁ genaden hen in tydts daerop versagen, ons oytmoedelyck des ǁ biddende, ende zunderlinge dat wy hen de voirschreven brieven ǁ willen confirmeren ende stedigen vanden welcken die teneur van ǁ woirde te woirde hier nae volght, ende is alsus, Jan ǁ byder gracien ons heeren hertoge van Lothryck van Brabant ǁ van Limborch, ende Marckgrave des Heylichs Rycx, doen cond ende ǁ kennelyck allen luden, dat wy om den meenigen getrouwen dienst ǁ dien onse goede luden van Oisterwyck dickwils gedaen hebben ende ǁ noch oft God wilt doen sullen, Ende om onse vryheyt van ǁ Oisterwyck te beteren hen gegeven hebben ende geven midts ǁ dezen brieve een wekemerct altoes binnen Oisterwyck te houden ǁ opten woensdach, ende twee jaermercten elcke acht daghen duerende ǁ daer die ierste af zall innegaen opten iersten dach vander ǁ maendt van meye, ende die andere opten avont der heyliger ǁ apostelen sente Symon ende sente Juden die te hebben ende ǁ te houden eenwelcke, met alzulcke vryheyden ende rechten als ǁ onse goede luden vanden Bossche huere jaermercten ende ǁ weeckmercten houdende zyn, alsoe dat alle coopmannne in dezen mercten ǁ goet coopen ende vercoopen mogen vryelyck op alsulcke assysen ǁ alsmen daertoe hertoe van allen goeden gegonden heeft, ende ǁ schuldich heeft geweest te geldende zonder anderen commer, ǁ voert soe geven wy ende consenteren onsen goeden luden van ǁ Oisterwyck voirschreven dat zy voortaene alle weghen houden ǁ ende gebruycken moghen vryelyck alsulcken privilegien rechten ǁ ende vryheyden als zy voormaels van onsen ouderen vercregen ǁ hebben, ende sy tot noch toe gehadt ende heerbracht hebben, ende ǁ om dat wy willen dat deze dingen voirschreven eeuwelyck ǁ vast ende gestendich blyven, Soe ontbieden wy onsen ǁ schoutetten vanden Bosch ende van Oisterwyck die nu ǁ zyn ende naemaels wesen zelen, ende bevelen hen dat ǁ sy onze goede luden van Oisterwyck houden in allen rechten ǁ ende vryheyden voirschreven, alzoe dat zy diere vryelyck ǁ gebruycken mogen ende daeraff van nyemanden veronrecht ǁ en wordden, Oyck bevelen wy onsen voirschreven schoutetten ǁ ende gebieden hen dat zy den stroom vander Rymeren geheten die, ǁ Diese tussen die Bossche ende Oisterwyck doen ruymen ende open ǁ houden overall ende alzoe dat men gerievelyck met schepenen vanden ǁ Bosche tot Oisterwyck, ende van daer weder ten Bossche totten ǁ merckten voirschreven varen mach gelyck men daer voormaels ǁ te varen plach, Behoudelyck ons altoes onser heerlicheyt ende ǁ rechts ende eenen yegelycken dessyns in oircondtschappen van ǁ welcke dingen van onsen Zegel aen dezen brief hebben doen hangen, ǁ Gegeven tot Bruessel opten veerthiensten dach in meerte int ǁ jaer ons heren duysent drye hondert vyfftich ende viere nae ǁ die costuyme des bisdoms van Cameryck, soe doen wy te weten ǁ dat wy die de voirschreven brieve by onsen lieven ende getrouwen ǁ Cancellier Meesteren Janne Bont doctuer in beyden rechten archidiaken ǁ van Famenne inder kercke van Luydick ende canonick ende ǁ tresorier van Camerycke ende sommige andere van onssen raede van ǁ Brabant ernstelick hebben doen oversien ende visiteren die deselve ǁ bevonden hebben inder maten boven geschreven ende omme ǁ alsulcke dat men denzelven nochtertydt billicx gestaen zall ǁ ende die van weerden houden nyet wederstaende des mitten quaden ǁ toesien voerschreven daer inne ende toe tot opten dach datum des briefs ǁ gevallen mach wezen, om die goede gonste die wy hebben ende ǁ dragen tot onsen voirschreven goeden luyden van Oisterwyck ǁ die anders met alzulcke versuemenisse qualick toecomen ǁ zouden, ende oyck midts eenre seeckerder sommen van gelde ǁ die zy ons daeromme gegeven ende in handen ons geminden Peter ǁ vander Eycken gecommiteerde t'onsen ontfange generael ǁ van Brabant betaelt hebben tot hoere beden geneyght, hebben ǁ den selven onsen goeden luden ende hueren naecomelingen geconfirmeert ǁ geratificeert ende geapprobeert, ende voer ons onsen erven ende ǁ naecomelingen hertogen ende hertoginnen van Brabant, confirmeren ǁ ratificeren ende approberen met dezen brieve, die voirschreven ǁ brieven wylen hertoge Jans ende alle punten daerinne begrepen ǁ gelyck die van woirde te woirde hierboven staen geincorporeert ǁ verleenende hen oft mits van uws die te hebben te houden ende te ǁ gebruycken eeuwelyck ende emmermeer naer inhoudt der brieven ǁ voirs., Ontbieden daerom ende bevelen onsen drossaet rentmeester ǁ generael oft gecommitteerden t'onsen ontfange generael van Brabant ǁ onsen schoutetten ende rentmeesteren vanden Bosch ende van ǁ Oisterwyck ende allen onsen ambachteren rechteren ende dieneren ǁ ende heuren stedehouderen nu ende namaels wesende, ende allen ǁ dien dit aengaen mach, dat zy onzen voirschreven goeden luden van ǁ Oisterwyck ende hueren naecomelingen onssen voorschreven gratien ǁ confirmatien ende verleeningen ende allen den punten hierboven ǁ geschreven rustelyck ende vredelyck doen ende laten gebruycken ǁ zonder hen daertegen ennigen hinder commer oft letssele te doen ǁ oft te laten geschieden in enniger manieren, Op alsoe lief als hen ǁ zy onse huede te behouden, want wyt alsoe gedaen willen hebben, in ǁ oirconden des briefs daeraen wy voor ons onse erven ende naecomelingen ǁ voirschreven onsen zegele hebben doen hangen, Gegeven in onser stadt ǁ van Ryssele vierentwintich dage in julio int jaer ons heren ǁ duysent vierhondert vier ende dertich, Opte plycke staet gescreven ǁ aldus, Gy mijnen here den hertoge daerby waren van zynen ǁ raede ghy Raes heren van Heverle, Willem borchgraeff van Montenaken ǁ heer Claes van sinte Goericx, heer Jan de hertoge ridderen ǁ ende Henrick Magnus, Ondergetekent A. de Dynter

Wencelaus van Boeme, byder gracien Goidts, hertoge ǁ ende Johanna byder zelver gracien hertoginne van Luxemborch van Lothryck ǁ van Brabant van Limborch ende marcgrave des Heylichs Rycx ǁ doen kundt allen luden dat wy overmidts den goeden ende menichfuldigen ǁ diensten die ons ende onsen voirderen onse goede luden van onser ǁ vryheyt van Oisterwyck dicwyls gedaen hebben, ende ons ende ǁ onsen naecomelingen noch doen selen, ende doen mogen, hebben hen ǁ geconfirmeert ende confirmeren alle karten privilegien ende vryheyden ǁ die zy hebben van onsen voorderen goeds gedenckenissen hertogen in ǁ Brabant, ende willen dat zy die houden ende dierre gebruycken ǁ vrielyck alzoe als sy tot noch toe gedaen hebben ende heerbracht ǁ allen argelist uuytgescheyden, voert soe hebben wy gegeven onsen ǁ goeden luden van onser voirschreven vryheyt ende hueren naecomelingen ǁ voor ons ende onse naecomelingen, dat zy ons noch onsen naecomelingen ǁ noch nyemanden anders van onsen wegen negeen beden noch schattinge ǁ gheven en sellen dan alsoe onse anderfmale vryheyden gemeynlyck ǁ van Brabant bede ons gheven oft schattinge ocht onsen naecomelingen ǁ entbieden daeromme ende bevelen onsen schouteth vanden Bosch ǁ die nu is oft hiernaemaels zal syn ende allen anderen onsen ǁ rechteren, dat zy onsen voirschreven luden van Oisterwyck ǁ houden paiselyck ende rustelyck inder voirschreven kerten ende privilegien ǁ naeden teneur des briefs, ende der andere brieven die sy daer aff ǁ hebben van onsen voirderen ende daertegen nyet te doen in enniger ǁ manieren in vesticheden welcker ding wy onse segelen gehangen ǁ hebben aen dezen brief, Gegeven tot Bruxell negen dage ǁ in decembri int jaer ons heeren duysent drye hondert tsestich ǁ ende vyve, Ende hoewel zy supplianten ende huere ǁ

voorsaten altyt sindert geweest hebben, ende noch zyn in goede ǁ ende peyselicke possessie ende gebruycke vande voirschreven ǁ previlegien, nochtans midts dat die by ons nyet geapprobeert ǁ noch geconfirmeert en zyn, soe beduchten dezelve ǁ supplianten datmen hen int gebruyck van huere voirschreven ǁ previlegien ennich hinder oft beleth zoude willen doen, ende ǁ gemerckt de voirschreven supplianten duerende des lester oirloge ǁ tegen den hertoge van Cleve, ende besundere midts de twee ǁ tochten ende passaigen gedaen byden voirschreven Cleefschen duer de ǁ voirschreven ende andere vryheyden ende dorpen vande Meyerye ǁ van den Bossche, zy supplianten groote ende bederffelicke ǁ schade gehadt hebben ende geleden, hebbende tot twee diversche ǁ reysen gebrantschat, ende daervoer moeten betalen omtrent negen ǁ duysent carolus gulden, ende noch daerenboven by spoliatie uuyt ǁ teringe vanden volcke van oirloge ende anderssins schade ǁ

gehadt meer dan van vyffthien duysent carolus gulden, soe dat ǁ midts dyen, ende oyck mits de sieckten vander peste die aldaer ǁ zindert vyffentwintich jaeren herwaerts te diverse stonden ǁ geregneert hebben, ende den branden aldaer by ongevalle toecomen ǁ zynde, de neringe aldaer seer gefailleert, ende te nyet gegaen ǁ is, soe dat vele ingesetenen vande zelver vryheyt, hebben om ǁ der voirschreven soberder neringen wille de voorg. Vryheyt ǁ geabbandonneert, ende dagelycx soe meer geschapen zyn te      ǁ doene ten ware dat wy den voirschreven supplianten huere ǁ voorgen. carten privilegien, ende octroyen confirmeerden approbeerd[en] ǁ ende onse consent daer toe droegen, ende soe verre des noot sy ǁ hen die van nieuws verleenden ende octroyeerden daerom de ǁ voirschreven supplianten ons oytmoedelyck hebben gebeden, ǁ Soe eest dat wy dezen aengesien, ende besundere naedyen wy die ǁ voirschreven caerten ende privilegien hebben doen oversien ende ǁ visiteren geneyght wesende ter beden der voirschreven ǁ supplianten hebben by advyse ende deliberatie van onse lieve ǁ ende getrouwe de cancellier ende luden van onsen raede ende ǁ    

rekenmeester in Brabant de voirschreven huere caerten ende ǁ privilegien alsoe die hiervoir geincorporeert ende geinsereert ǁ staen geconformeert geratificeert ende geapprobeert conformeren ǁ ratificeren ende approberen, ende soe verre des noot zy den ǁ voirschreven supplianten van nieuws verleent ende geoctroyeert ǁ verlenen ende octroyeren by dezen evenverre ende by alsoe zy dyer ǁ duechdelick genyet ende gebruyckt hebben, Entbieden daerom ende ǁ bevelen onsen voirschreven cancellier ende luden van onsen voirschreven ǁ raide ende rekenmeester in Brabant onsen schoutetten vanden Bossche ǁ ende van Oisterwyck, ende allen anderen onsen ende onser vassallen ǁ oft der smaelre heren rechteren justicieren ende officieren ons ǁ voirschreven lants van Brabant dyen dat eenichsints aengaen sall ǁ mogen dat zy ende elck van hen soe hem toebehoirt de voirschreven ǁ gemeyne ingesetenen van Oisterwyck supplianten van dessen onser ǁ gracien confirmatien ratificatien approbatie ende verleeninge inder ǁ manieren boven verhaelt peyselyck rustelyck ende vredelyck doen ǁ ende laeten genieten ende gebruycken, sonder hen daerinne te ǁ doene oft laeten geschieden, nu noch in toecomende tyden ennich hinder ǁ stoot oft letsel ter contrarien, want ons alzoe gelieft, ende ǁ des toirconden hebben wy onsen zegele hieraen doen hangen, Gegeven ǁ in onser stadt van Bruessele sevenentwintich dagen in Meerte ǁ int jaer ons heren duysent vyffhondert vier ende veertich voor ǁ Paesschen, van onsen Keyserycke . XXVe, ende van onsen ǁ eycke van Castille ende anderen, Opde plycke stont gescreven ǁ byden Keyser in synen raede, ende ondergetekent, A. Boudewyns

Ende hoewel die voirschreven supplianten ende huere voorsaten ǁ zyn achtervolgende tgene des voirschreven is altyts geweest ǁ ende noch syn int gebruyck ende possessie vande zelven previlegienǁ nochtans want die by ons als jegenwoirdelyck zynde hertoge ǁ van Brabant nyet en zyn geconfirmeert soe beduchten hen die ǁ supplianten dat int voirschreven huer gebruyck van hueren ǁ previlegien hen eenich hinder oft beleth zoude moeghen gebueren daer ǁ duere die voirschreven onse vryheyt mochte geraecken in grooten ǁ verdriete ende ruine te vallen midts de grote lasten derselver ǁ onser vryheyt incumberende ende de sobere neringe aldaer wesende ǁ dwelck verhuedt zoude zyn indyen op dezelve huere previlegien ǁ caerten ende octroyen zy hadden onse brieven van confirmatien ǁ ende approbatien, met oyck van nieuwer concessien ende octroye ǁ soe verre des noot waere, om die welcke zy supplianten ons ǁ hebben oytmoedelyck gebeden gehadt, Soe eest dat wy ǁ desen aengemerckt, ende besundere nae dyen wy de voirschreven ǁ carten ende previlegien hebben doen oversien ende visiteren, Geneyght ǁ wezende ter beden der voirschreven suppplianten hebben by advise ende ǁ deliberatie van onse lieve ende getrouwe de cancellier ende ǁ luyden van onsen rade ende rekenmeester in Brabant de voirschreven ǁ heure carten ende previlegien alzoe die hier voor geincorporeert ǁ ende geinsereert staen geconfirmeert geratificeert ende ǁ geapprobeert, confirmeren ratificeren ende approberen, ende soe ǁ verre des noot zy den voirschreven supplianten van nyeuws verleent ǁ ende geoctroyeert, verleenen ende octroyeren by dezen evenverre ende ǁ by alsoe zy dyer duechdelyck genyet ende gebruyckt hebben, ǁ Entbieden daerom ende bevelen onsen voirschreven cancellier ende ǁ luden van onsen voirschreven raede ende rekenmeester in Brabant ǁ onsen schoutetten vanden Bosche ende van Oisterwyck ende ǁ allen anderen onsen ende onser vassallen oft der smaelre heren ǁ rechteren justicieren ende officieren ons voirschreven lants ǁ van Brabant, dyen dat ennichsints aengaen sall moegen, dat sy ǁ ende elck van hen soe hem toebehoirt de voirschreven gemeyne ǁ ingesetenen van Oisterwyck supplianten van deser onser ǁ gracien confirmatien ratificatien approbatien ende verleeninge inder ǁ manieren boven verhaelt peyselyck rustelyck ende vredelyck ǁ doen ende laten genieten ende gebruycken, sonder hen daer inne te ǁ doene oft te laten geschieden nu noch in toecomende tyden ennich ǁ hinder stoot oft letsel ter contrarien, want ons alsoe gelieft, ǁ ende des toirconden hebben wy onsen segel hieraen doen hangen, Gegeven ǁ in onser stadt van Bruessele den twintichsten dach van decembri ǁ int jaer ons heren duysent vyffhondert ende vyffenvyfftich, van ǁ onsen rycken tweede opte plycke stont gescreven aldus, Byden ǁ Coninck in synen raide, Enderteeckent f.acuwen, ende besegelt ǁ met eenen grooten zegele in roeyden wasch aen dobbelen stert ǁ uuythangende, Ende alzoe de voirschreven supplianten ende ǁ henne voirsaten zyn achtervolgende t'gene des voirschreven is altyts ǁ geweest ende noch zyn int gebruyck ende possessie vande selve ǁ previlegien, nochtans want die by ons als jegenwoirdelyck synde ǁ hertogen van Brabant nyet zyn geconfirmeert, zoe beduchten ǁ hen die supplianten dat int voirschreven heur gebruyck van ǁ henne previlegien, hen eenich prejudicie oft beleth zoude moghen ǁ gebeuren waer deur die voirs. onse vryheyt van Oisterwyck ǁ mochte geraecken in grooten verdriete ende ruine te vallen ǁ ende om dwelck te verhueden, hebben zy ons oytmoedelyck ǁ gebeden dat ons gelieven zoude hen opde zelve huere previlegien ǁ carten ende octroyen te verleenen onse oepene brieven van ǁ confirmatien ende approbatien, met oyck van nieuwe concessien ǁ ende octroye soe verre des noot ware, in sulcken saecken ǁ dienende, Doen te weetene, dat wy de saecken voirschreven ǁ overgemerckt, favorabelyck inclinerende ter beden ende ǁ supplicatien der voirschreven supplianten, hebben allen de ǁ voirschreven carten previlegien ende vryheden alsoe dezelve ǁ hiervoiren geincorporeert ende geinsereert staen geconfirmeert ǁ geratificeert ende geapprobeert, confirmeren ratificeren ende ǁ approberen, ende zoe vele des noot zy den voirschreven ǁ supplianten van nieuws verleent ende geoctroyeert verleenen ǁ ende octroyeren by dezen onsen brieve, evenverre ende by aldyen ǁ zy die deuchdelyck genyet ende gebruyckt hebben, Ontbieden ǁ daeromme ende bevelen onsen lieven ende getrouwen cancellier ǁ ende luyden van onsen raede geordineert in Brabant, Meyer ǁ van Loven, amptman van Bruessele, schoutetten van Antwerpen ǁ ende vanden Bossche, mitsgaders den schouteth van ǁ Oisterwyck, ende allen anderen onsen ende onser vassallen oft ǁ der smaelre heeren rechteren justicieren officieren ende dieneren ǁ ons voirschreven lants van Brabant huere stedehouderen nu ǁ synde ende naemaels wezende eenen yegelycken van hen ǁ dat zy den voirschreven gemeyne ingesetenen van Oisterwyck ǁ supplianten van dezer onser tegenwoirdiger gratien confirmatien ǁ ratificatien ende approbatien inder manieren boven vercleert ǁ peyselyck rustelyck ende vredelyck doen ende laten genieten ǁ ende gebruycken, zonder hen daer inne te doene oft te laten ǁ geschieden nu noch in toecomende tyden eenich hinder stoot ǁ letsel oft empeschement ter contrarien, want ons ǁ alsoe gelieft, ende des toirconden hebben wy onsen segel ǁ hieraen doen hangen, Gegeven in onser stadt van ǁ Bruessele seven daeghen inde maendt van Augusto, ǁ int jaer ons heeren duysent sesshondert ende derthien

Byde Eertshertogen

[.] Fourdin

Dorsale aantekening:

Confirmatie der Previlegien ǁ der vryheyt van Oisterwyck ǁ byde ertshertogen van Oisterryck ǁ hooger ged. anno 1613 gedaen

gesien ende gecollationeert 13 juni 1662