Moergestel

Wy Christiaen Janss. van Brechtt, ende Daniell Jacobss. van Gillze, schepenen in Gestell bij Oesterwycq ǁ tuygen onder onsen gemeynen zegell, dat voir ons coomen zijn, Goossewyn zoon wilner meester Peeter ǁ Baten, Berthell Adriaen Daniels, als wittich man, ende momboir, Elizabethe zijnder huysvroue, dochter ǁ meester Peeters voors., bij den zelven meester Peeteren uuyt wylen Adriana zijn huysvroue, dochter wilner ǁ Goossens van den Dooren, zamen verwect ende vercregen zynde, ende Jan Peeterssen, Allen al ǁ zulcken versterve, ende recht van versterve wegens als hun aengecoomen, ende aenbestorven is, ǁ van wilner heeren Peeteren van den Dooren hennen oome, In alle zijne achtergelatene haeffe ǁ lycke ende erffelycke goeden, zoewaer die gelegen oft bevonden zouden mogen worden, egeene ǁ uuytgescheyden, zoe zij zeechden, hebben zy wittelyck, ende erffelyck, overgegeven, ende opge ǁ dragen, Jannen zoon wilner meester Peeter Baten voors., met affgaen ende verthijen, als dat gewoon ǁ lycken ende recht is, Ende hebben gelooft Goossewyn, Berthell, ende Jan voors. op hun zelven, ende ǁ alle henne goeden, haeffelycke, ende erffelycke, hebbende ende vercrygende, dit overgeven ǁ opdragen, affgaen, ende verthijen voors. altijt vast ende stentich te houden, ende In hennen name ǁ te doen houden zonder ennich wederzeggen, ende alle commer ende calaengie van hennen tweegen ǁ daerop coomende altemaell aff te doen ende nimmermeer na den zelven versterve, meer te ǁ talen, moch te doen talen, met egeender [handen noch] te geestelyck noch wereltlyck, in egeender ǁ manieren, hebbende daer toe die zelve Goossewyn, Berthell, ende Jan voors., hun daer van bedanct ǁ goeder betalinge van Jannen cooper voorgenoomt, Allet zonder argelist, Gegeven int ǁ jaer ons heeren geboorte, duijsent vijffhondert ende drieentnegentich, opten twintichsten ǁ dach in octobri ǁ P. Berijs 1593