Onbekend

Wij Johanna van der Leck, vrouwe van Heeswiick van Dinther van Asten ende van Gestele bij Oesterwiick, doen kont ende kenlijck eenen yegeliick die dese tege ǁ woerdeghe letteren suellen sien oft hoeren leesen, dat wii den ghemeynen gebueren ende onsen getruwen onderscreven bynnen onsen dorpe ende heerlicheyt van Gestele bij Oesterwiick ǁ die over dwater geseeten sijn [***] die hen nu oft namaels bij consent onser ondersaeten van Gestele voers. die over dwater geseeten sijn deelechtich maecken ǁ suellen des tegewordighen coeps [***] onder bescreeven, hebben wii uytgegeven ende vererschiins voer ons [off voer] onse erfgenamen ende nacomelinghen, twe tstucken van ǁ onser ghemeynten van Gestele voers sijs te weten dat een stuck begriipende xxv buenre ende Lxxij roeyen heyvelts, Aenbeginnende van onsen Lieven Vrouwen huysken ǁ staende aent eynd vande Katerstraet streckende oestwaert totten rechten gesceede toe, der ghemeynten van Oesterwiick ende onsen gemeynten ons dorps van Gestele voers. ǁ ende van daer scietende langs den sceydinghen der gemeynten van Oesterwiick ende onsen gemeynten ons dorps van Gestele voers. tot opten hoeck van eenre graften ǁ toe tot Oesterwiick wart aen Ende van daer weeder om langs den ouden heyningen tot onsen Lieven Vrouwen huysken toe staende aen dat eynd vande Katerst[raet] ǁ voers. geliick dese xxv buenre [***] heyvelts aldaer bepaelt sijn, ende soe ver ons [***] aldaer toebehorende is. Ende dat ander stuck ghemeynten ǁ dat gelegen is voer die brugge [***] tot Oesterwijck [***] stuck gemeijnten aldaer gelegen [***] oeck [***] ǁ is, voer eenen erflijcken gront chijns te betalen elcx jaers op Sunte Martens Dach confessoers inden [***] onsen dorpe ende heerlicheyt van Gestele voers. [***] ǁ boeten ende te gewynnen geliick onsen anderen chiinsen bynnen Gestele voers., is te weeten op eelcken buenre heyden alleen vanden yrsten stuck eenen ouden gro[***]ǁ sconincx van Vranckriick, Ende voer een een voerliif in gereden penningen eens te betalen van seven gouwen penninghen Peters geheyten, oft die werde daervoer in anderen goeden ǁ paymenten, oeck van eelcken buenre vanden yrsten stuck gemeynten voers., tot drien termiinen te betalen, te weeten den yrsten termiin van meydach naestcomende over een jaer ǁ den anderen termiin van meydach comenden over twe jaer. Ende den dorden termiin van meydach naest comenden over drie jaer, Ende met desen voers. paymenten ende termiinen ǁ sal dat andere stuck gemeynten gelegen voer der bruggen liggende over die Rosop omtrent den Kolckven oeck verchiinst ende bevoerliift weesen met vorwerden dat onse gebuer ǁ ende ondersaten voers. die xxv buenre ende die lxxii royen der ghemeynten voers. suellen moegen gebruycken om die te moegen uyte geven om haeren chiins ende voerliif voers. ǁ daer aen te moegen maecken. Ende oeck met weyen met wegen ende met poeten daer in te setten ende die moegen houwen op haeren houtscat alsoe dat behoert. Behoudelijck ǁ dien dat ons gebuer ende ondersaeten voers. die wege neergens en suellen moegen versparren noch vermiinderen om daer behoerliick eenen yegeliick over te moegen wegen ǁ Beheelteliick oeck ons altiit onse oer erfgenaemen ende nacomelingen in beyden voers. stucken deeser gemeynten voers. onsen waranden van kaniinen ende allen anderen onsen rechten ǁ jurisdiccien ende heerlichheeden. Beheelteliick oeck ons ende onsen erfgenaemen ende nacomelingen inden anderen stuck der gemeynten voers. liggende omtrent den Kolckven voerde bruggen ende ǁ die Roesop, al alsuelcken manieren als beyden voers. stuck der gemeynten eergens gelegen moegen sijn ons altiit blivende toebehoren suellen daer wii altiit ende oeck onsen ǁ nacomelingen, nae onsen genuegen suellen moegen gebruycken, nyet wederstaende des uytgevens ende vertiiens voers.. Ende willen ende ordineren voert dat een yegeliick ǁ vanden voers. onsen gebueren ende ondersaeten voers. van over dwater. Ende die hen nu oft namaels bij wil ende consent onsen gebueren ende ondersaten voers. des voers. coeps der gemeynten ǁ voers. delechtich suellen maecken [***] weederseggen sijn aengedeelten vanden voers. voerliive, Ende oeck vanden voers. jaerlichschen ende erfliicken chiinse der [***] oude ǁ [4] groten voers. geven ende [***] dat saeck dat yemant weer vanden voers. onsen gebueren ende ondersaten die sijn aengedeelten vanden voers. voerliive oft[***]ǁ voers. jaerlichschen ende erfliicken [***] geven noch betalen en welde gelijck siinen anderen medegebueren dat die niet en sal moegen gebruycken in egeenrehanden manieren ǁ der voers. gemeynten der tween stucken voers. ten sij dat hij er sijn aengedeelten vanden voers. voerlijve ende vanden voers. jaerlijxschen ende erflijcken chijnse vanden voers. gemeijnten ǁ deesen tweer stucken voers. [***] altemael opgeleet ende betaelt heeft, Ende oeck soe moegen den voers. onse gebuer ende ondersaeten voers. des geens oft der [***]ǁ beesten scutten die niet betaelt en hebben noch haer aengedeelten niet betalen ende wouden vanden voerliive ende erfliicken chiinsen voers. alsoe voers. is, op een redeliick staect dweelck ǁ die voers. onse gebuer ende ondersaten bij ons oft bij onsen scoutheyt van Gestele voers. overdragen ende ordineeren suellen, alsoe oeck als deeser luyde beesten die haer aengedeelten ǁ niet betalen en wouden opte voers. gemeynten der tweer stucken voers. bevonden worden, anders dan teemeliick nae redenen die daer over te moegen droeven. Van weelcken scoet dat ǁ een dordendeel toebehoeren sal der prochie kercken van Gestele voers., dat andere dordendeel ons ende onsen nacomelingen, ende dat dorde dordendeel den scutter voers., tot aenden tiit toe dat ǁ sii van haeren aengedeelten voers. altemael genoech gedaen suellen hebben totten weelcken voers. scoet ende oeck om niet te scutten alle anderen beesten die opten voers. gemeynten der tweer stucken ǁ voers. nuch siins comen muchten onse voers. gebuer ende ondersaeten ons oft onsen scoutheijt tot Gestele inden tiit weesenden suellen moegen presenteeren eenen scouten dien weelcken wii oft onse scoutheyt ǁ tot Gestele voers. suellen eyden om alle al dusdaneghe beesten te scutten inden maten voer gescreven. oeck hebben wij uyt sunderlingen gracien voer ons onse oer ende nacomelingen gewilkoernt ende ǁ verleent onsen voers. gebueren ende ondersaeten, dat sii ende haer nacomelingen op die straten die over dwater gelegen siin een yegeliick tegen siin erven ende voerhoeff suellen moegen bepoten ǁ tot haeren orbaer ende profiit, ende die potinge houden op haeren houtscat ons ende onsen erfgenaemen ende nacomelingen daer af te betalen, behoudeliick dien als boven gescreven staet, dat sii ǁ die straten oft steegen voers. over dwater niet vermijnderen oft versparren en suellen om eenen yegeliick onvelect daer over te moegen weegen alsoet behoert. Ende overmidts deesen vorwar ǁ den voers. soe hebben wij Johanna vrouwe voers. geloeft ende geloeven met deesen tegewordegen ketteren ten goeder trouwen voer ons onse oer erfgenaemen ende nacomelingen den voers. ǁ onsen gebueren ende ondersaeten ons dorps van Gestele voers. der gebruykenissen deesen voers. gemeynten tegen eenen yegeliick te warnen ende te bescermen. Ende hen deesen voers. ǁ gemeynten deesen tweer stucken [***] der vorwarden voers. rasteliick ende vredeliick te laten gebruycken [***] gebieden eernstelijck onsen scoutheyt ende onsen anderen [***] ǁ ons [***] suellen oft [***] gebueren ende ondersaten van over dwater eeneghe[***] ǁ oft [***] oft onsen nacomelingen te hebben ǁ [***] alle ende een yegeliick geloven ende voer ons ǁ erfgenaemen ende nacomelingen [***] ǁ [***] werden allen argelist uytgesceyden, Ende in getuyge ǁ nissen der waerheijt [***] deesen vorwarden voers. hebben wij Johanna vrouwe voers. onsen seegel aen deese tegenwordeghe brieven doen hangen ende [***] ǁ voertaen [***] soen Heynrick Alarts Spyrincx soen ende Anfraet van Barlaer [***] onsen getrouwen mannen van leen om aen meerre veestingen, onsen ǁ gebueren ende ondersaeten [***] deesen voers. vorwarden daer sii haer seegelen aen deese tegewordegen brieven bii den onsen wilden hangen. Ende wii Alart Jan Spyrincx soen ǁ Heynrick Alarts Spyrincx ende [***] van Barlaer Arnts voers. [***] vrouwen Johanna vanden Leck vrouwe voers. want alle ǁ saecken alsoe sij [***] deese tegenwordege brieven gegeven inden jaer ons liifs heren doen men screef ǁ duysent vierhondert [***] opten vierden dach in Decembris ǁ tzestich

Dorsale aantekening:

N38 ǁ M.m. ǁ Verkrygh der ǁ gemeente voor die ǁ van ǁ Moer-Gestel ǁ [***] ǁ 4 Nov 1460 ǁ kopii [***]