Vindplaats van het origineel
Regionaal Archief Tilburg, toegangsnummer 1433, Charterverzameling Oisterwijk, inv.nr. 196
20 juni 1544
Samenvatting oorkondetekst
Akte van overdracht voor schepenen van Oisterwijk, door Anthonis, zoon van wijlen Jan Jacop Berens, aan de provisoren van de Broederschap van het Heilig Sacrament, van 25 karolus gulden voor een nieuw altaar met daarop een schonen sacraments huyse met diverse voorwaarden.
Transcriptie
Cond zy eenyegelycke) want die provisoers vanden heyligen sacrament bynnen de kercken van Oisterwyck onlancx leden hebben aengeleecht ende ǁ doen maecken den voirs. heyligen sacrament een nyeuwe autair met eenen schonen sacraments huyse daer op staende alsmen tegenwoirdich ǁ zien mach wair aff zy die penningen nyet en hebben kunnen opbrengen noch bij hen selven betalen, desselve dair inne gestaen voir scepenen onder ǁ gescreven Anthonis soen wilner Jans Jacob Berens ende heeft den provisoeren nu ter tyt te wetende heeren Goessen Groys priestere ǁ ende deken in den choir der voirs. kercken Gijsbert Lueniss ende Goessenen van Riel gegeven ende in gerede ende genumereerde penningen over ǁ getelt [die somme] van vijff ende twentich carolus guldens van twentich penningen tstuck oft die werde der selver in anderen goeden gelde ǁ [***] te rekenen met sulcken voirwaerden dat die provisoeren ten tyde des voirs. heylich sacraments, ten euwigen ǁ [... een sculder ende verbonden sullen sijn k[***]] ende altaristen alle jaer te doen
singen een misse van requiem ende vigilie van ǁ [negen missen ende jaergetyt] te houden nae doet van Soete Heyen weduwe wilner Cornelis Heyen voir hair, hairs mans, hair ouderen ǁ [***] jairgetijt ierst comende zall te doen afkundigen tsondaegs te voirens opten preeckstoel welcke vijff ende ǁ [twentich] [***] die voirs. provisoeren sculdich zullen [***] te beleggen aen eenen erffrenthe oft erffpacht van welcker erffrenthe ǁ oft er[ffpacht] [***] provisoeren) alle jair sculdich sullen [syn] te geven ende te betalen voir den [***] dienst den persoen voer syn ǁ consent [***] noch den selven persoen voer [syn singen] eenen stuver ende den anderen heeren voirs. elcken eenen stuver ende die ǁ daer nyet [en compt] en sall nyet hebben den [schoelmeester] eenen stuver ende den custer van luyen eenen stuver met condi ǁ tien ende [***] soe te doen, oft geven in toecomende tyden en dat die voirs. provisoers ten tyde den last voirs. voir die penningen voirs. geordinert nyet ǁ aennemen en houden, dat zy alsdan gestaen zullen loss ende vry vanden diensten voirs. ..des gevende ende restitueerende der voirs. zoeten haeren ǁ kynderen oft naecomelingen die voirs. somme van vyff ende twentich carolus gulden allet zonder arch ofte liste gelyck die voirs. provisoeren ǁ dit oipenbairlyck hebben bekent, ende als sculdenairs principael op allen den gueden des voirs. heylige sacraments nu hebbende ende namaels ǁ vercrigende den voirs. Anthonissen hebben geloeft, Oirconde hebben hier over geweest scepenen in Oisterwyck Jan Andries Lambertss ende Claes Tymerman Janss die hen zegelen in getuychenisse hier aen hebben gehangen Int jaer ons heeren duysent vijffhondert vier ǁ ende veertich opten twentichsten dach der maent van junio.
rechts onderaan:
.. st[uiver?] ambo ǁ littera? Sancti [***]
Dorsale aantekening:
31 [***] Oisterwyck