Oisterwijk

Joost sone wilner Jans van Vucht heeft wettelyck ende erffelyck vercocht Marie weduwe wijlen ǁ Jans van Os eenen jaerlycken ende erffelycken chijns van sessendertich stuveren Brabants oft de weerde ǁ daer voir in anderen gevalueerden gelde. Alle jaer erffelyck te vergelden ende te betalen te Bamisse ǁ waer aff den yersten betaeldach wesen sal te Bamisse nu naestcomende van ende uut een stuck beempts ǁ acht lopensaet lants oft daeromtrent begrijpende gelegen in de prochie van Oisterwyck ter plaetsen ǁ genoempt in Udenhout in den Biesmortel aldaer tussen erffenis Jans van Vucht den ouden aen deen zijde ende ǁ tussen erffenis Aert Jan Willemss. aen d'ander sijde streckende van erffenis Ariaen Jan Gijben achterwaerts tot ǁ aen de Langesteeghde als hij zede. Om bij de voirs. Marie in eenen erfrecht te hebben ende te besitten ǁ Gelovende die voirs. Joost als sculder principael op hem ende op alle sijns gueden hebbende ende vercrijgende ǁ den voirs. chijns der voirs. Marie te waren als men erfchijns sculdich is te waren ende tvoirs. ǁ onderpant voir de jaerlixe betalinge van den voirs. erfchijns altijt goetschixs genoech ende weldogende ǁ te houden ende te maken ende allen commer ende calangie daerop comende altemael aff te doen der ǁ selver getuygen waren hier over schepenen in Oisterwijck Claes Timmermans Janss. ende Cornelis ǁ Schilders Willems. die huere segelen in getuygenisse hier aen hebben gehangen opten derden ǁ dach octobris int jaer Ons Heeren duysent vyffhondert twee ende vyfftich

Dorsale aantekening:

De onderges. moeder vande Maeghdenhuijse ǁ bekent uijt handen van Gerit van Doorn als ǁ momboir vande kinderen Cornelis Lamberts in ǁ voldoeninge ende cassatie deses brieffs ontfangen ǁ te hebben de somme van xxx gulden ǁ Actum den xviii julij 1678 ǁ Dit ist + merck Maria Comans

Claes Arien Huijben ǁ den v^e martij '96 ǁ den 13 januarij '98 ǁ den 21e junij 1669