Moergestel

Wij Aelbert Jacopse vanden Doeren ende Adriaen Adriaen Jost Verdonckss scepenen in Gestell bij Oisterwijck [***] ǁ onder onssen gemeijne segell dat voir ons comen is Cornelis Geraert Mathijsse ende heeft met eene sc[epen] ǁ brieff van Gestele ende met allen andere letteren ende reghten hem daer inne toebehoirenden wittelijck [***] ǁ ende erffelijc opgedragen met affgaen ende vertijden gelijck dat manier is Peter Jacop Cottensse al al[***] ǁ eene jaerlijcke ende erffelijcke renthe van negen Carolo gulden tsiaers te XX stuijver stuck te lossen staet [***] ǁ met hondert ende vijftich gulden als Jan Jan Geritsse Dierxssz ten anderen tijden heeft geloeft gehadt den voirs. ǁ Cornelisse alle jaer op ligt misse dach verschijnende met vier verschenen pachten vervallen ende dat van [***] ǁ vuijt huijs schuer hoff ende erffenisse daer aen liggende ende ende daer toebehoirende inde voirs. prochie ter ǁ plaetsse aenden broeckzijde metten eenen eijnde ende deen zijde aende gemeijnt aen den Heijssen mitsgaders ǁ dander zijde aende gemeijn groot aen dander zijde aen erfenisse Jacop Jan Wouterssz gelijck dat ǁ breder blijckt in eenen schepen brieff van Gestell onder den date duijsent vijffhondert ende twee ende ǁ tsestich den thienden junij ende Cornelis heeft vorts geloeft op hem ende op alle zijne goederen hebbende ǁ ende vercrijghende dit opdragende ende overgeven affgaen ende vertijden redelijck vast ende stendich te [waren] ǁ ende dese huijsinge ende erffenisse te waren ende altijt goet secker ende waeldoghende te maken [alinge] ǁ voer dese negen Carolus gulden tsiaers erffgelts voirs. ingevall den voirgen. Pande ens ware in[***] ǁ goet genoch ende is gegeven int jaer ons heeren geborte duijssent vijffhondert vijff ende tseven[tich] ǁ den ses ende twijtichsten februarij

Dorsale aantekening:

Dese ondertekent hebbende verclaeren dat Denis Koenen ǁ [aen] mij heeft geschooten de hondert ende vijfftich gulden int witte ǁ van desen getekent met alle de verloopen pachten van dijen ǁ tot lichtmisse dach 1658 incluijs consenteere over sulcx ǁ aende wethouderen van Moergestel dese ten prothocolle in forma ǁ gecasseert te worden ten versuecke van Denis Koenen voors. ǁ oft op hem gevest naer sijn believen sonder het minsten daer aen ǁ te reserveren directelijck offe indirectelijck Actum den IIIe maij 1658 ǁ oirconde geschreven? Ondertekent G? van Bibben?