Moergestel

Jan Adriaen Appels heeft wettelyck ende erffelyck vercocht Maria van ǁ Doren, eenen jaerlycken ende erffelycken chyns van acht carolus gulden ende vyff stuyvers, tot ǁ twintich stuyvers goets ganckbaers gelts den gulden gereeckent te betaelen alle jaer erffelyck ǁ opten negenthienden december, ende voorden eersten termyn van betaelinge op den negenthienden ǁ december xvj achtentsestich, ende binnen deser stadt vry van alle beden, exactien, subventien, ǁ commeren, schattingen, ende lasten, ingestelt, ende alnoch naermaels ingestelt te worden, egeene ǁ lasten uitgeschyden, te leveren, ende te vergelden, van ende uyt een stuck soe acker, weylant, ǁ groet vyff lopensaeten, gelegen tot Moergestel, inden Heuvel, nevens erve Jans Peeters, aen d'een ǁ syde, en nevens erve Gerits Janss, aen d'ander syde, streckende vande gemyne straet, ǁ tot op erve des Grooten Gasthuys alhier, Item van ende uyt een stuck ackerlants, groot twee ǁ lopensaten, gelegen tot Moergestel, inde Molenackers, nevens erve der erffgenaemen Joost ǁ Willem Vosch. aen s'een syde, ende nevens erve der erffgenaemen Peeter Thomas Maes, aen d'ander ǁ syde, streckende vande Meulenwech tot op erve vande selve coopersse ǁ metten erffrecht te hebben, ende te besitten, ende heeft die voorn. vercoopers den voors. chyns de ǁ voorn. coopersse opgedraegen met helmelelinge verthydenisse in manieren inne dien gewoonlyck ǁ synde, gelovende die voors. vercoopere, als schuldenaer principael, op verbant van synen ǁ persoon, ende allen goederen, ende allen syne goederen, present, ende toecomende, dat hy de voorn. ǁ coopersse vanden voors. chijns schuldig, ende gerechte sal doen warantschappen, dat hy de voorn. ǁ commer, calaengie, ende aentael, inde voors. onderpanden wesende, off comende, de selve coopersse aff sal ǁ doen geheelycken, uytgenomen vier stuyvers min een oirtje chijns, aende heijligen Geest tot Moergestel, ǁ ierst jaerlicx van rechts wegen daer uyt te vergelden staende, ende dat hy oock de voorn. onderpanden ǁ voor de betaelinge des voors. chyns, de voorn. coopersse jaerlicx daeruyt alsvoor te vergelden altyt ǁ goet genoech, ende weldeugende sal maaken, ende houden. Met conditien inne desen toegedaen, dat die ǁ voors. vercooper den voors. chyns ten allen tyden sal mogen lossen, ende quyten teffens, ende tenemael ǁ mette somme van hondert ende vyfftich carolus guldens, tot twintich stuyvers goets permissie ǁ gelts elcken gulden gereeckent ende metten loopenden jaerchyns, ende achterstellen daer aff alsdan tach ǁ ter, ende ombetaelt staenden behoudelyck dat menschuldich, ende verbonden sal syn den los een half jaer ǁ te voorens wettelyck te vercondigen, ende op te seggen, Getuygen waeren hierover schepenen inne ǁ Shertogenbosche, Geraerdt Tielmans van Breugel, ende Jacob Ferdinand Sweerts, Gegeven den ǁ negenthienden dach der maendt decembris, int jaer ons heeren, dussent sesshondert sevenentsestich

J Vermeulen

littera Maria [***]

Dorsale aantekening:

Moergestel ǁ constitutie van acht ǁ gulden vijff stuyvers op Jan ǁ Adriaen Appels

Ik ondergetekende bekenne ǁ ontvangen te hebben in ǁ voldoening van deze ge ǁ lofte van hondert en ǁ vijftigh guldens en aghter ǁ stallige intereste de ǁ somme van 128 guldens en ǁ zulks uijt particuliere ǁ consideratie consentere ǁ dienvolgens in de cassatie ǁ deses Bosch den 2 augustus ǁ 1734. Cornelia weduwe van Dooren