Oisterwijk

Jan Hamer soen Peters Hamer een stuck ackerlants vijftalf loepensaet ende vijfthien roeden ǁ lants oft daerontrent begrijpende genoempt den Paracker gelegen inder prochie van Oesterwijck ter plaetsen gen ǁ noempt Huickelem tussen erffenisse Roelken Dicbier aen deen zijde, ende tussen erffenisse heeren Henricx ǁ van Tijenrode priester aen dander zijde, welck stuck ackerlants voirge(noemt) die voirgenoemde Jan Hamer tegen den ǁ heeren van den Lande bij coope ende evictie overmidts gebreck van betalinge eens erfchijns van twentich ǁ stuveren Brabants, Ende daer nae betaert ende bedaight sijnde als hoechste ende meest biedende met ǁ uuijtgang der bornender kerssen den lesten coop geobtineert ende behouden heeft gelijck dit ten verscheijde ǁ scepenen brieven van Oesterwijck daer op gemaickt sijnde volcomenlijcker is begrepen, heeft hij witte ǁ lijck ende erffelijcken opgedragen ende overgegeven Henricken soen wilneer Lambert Michielss. tsamen metten ǁ voirs. brieven ende metten alingen rechte hem daer inne enichsins competerende met afgaen ende helmelinge vertije ǁ nisse in manieren in dien gewoenlijck gelovende die voirs. Jan als schulder principael op hem ende allen sijnen goeden ǁ die hij nu heeft ende noch vercrijgen sall mogen dat hij dit opdragen ende overgeven vast ende stendich sall houden ten ewigen ǁ dagen sonder eenich tegenseggen ende allen commer ende calaengie hier inne wesende Henricken voirs. sall afdoen gehee ǁ lijcken, van sijnen wegen gethuijgen waeren hier over scepenen in Oesterwijck, Claes Tijmerman Janss. ende Cornelis ǁ Schilder gegeven vijf dagen in Julio inden jaer ons Heeren duijsent vijfhondert sessenvertich ǁ W Bruggen