Vindplaats van het origineel
Regionaal Archief Tilburg, toegangsnummer 1433, Charterverzameling Oisterwijk (en Moergestel), inv.nr. 116
22 februari 1569
Samenvatting oorkondetekst
Akte voor schepenen van Moergestel, waarbij Aelbert Jacopss. van den Doeren belooft aan Aelberten Dierck Aertss., een jaarlijkse rente van 6 carolus gulden te betalen, gaande uit een akker, genaamd de elsse ecker, en uit een weide, genaamd sleuven weyde, te Moergestel.
Transcriptie
Wij Cornelis Denijs Mutsaertse ende Jan Aert Appels scepen in Gestell bij Oisterwyck tuygen onder ǁ onssen gemeynen segell dat voir ons comen is Aelbert Jacopsse vanden Doiren ende heeft wettelyck ende erffelyck ǁ gelooft te gelden ende te betaelen Aelberten Dierck Aertss een jaerlycke ende erffelycke rente van sesse Carolus ǁ gulden tsiaers te xx stuivers stuck allen en iegelyck jaer verschynen op onsser lieven vrouwen dach Lichtmissche waer ǁ aff den irsten betaeldach sall wesen te Lichtmisse toecomenden aldernaest ende dat van ende uijt een stuck ǁ eckerlandt acht lopensaet off daer ontrent begrypende inder voers. prochien ter plaetsche inden Heysen ǁ ecker genaempt den Elsse ecker metten eenen eynde aen den Molenwech deen syde aen erffenisse Goedevaert ǁ Aertss. die Brouwer dander syde aen erfenisse Elisabeth weduwe Willem Borchmans met hairen kynderen ǁ waer vuijt te voiren gaende in den heyligen geest vande Bosche een halffen stuiveren? chyns van ende vuijt ǁ een stuck weijvelts genoempt Sleuvene weyde inder voers. procie deen eynde ende deen zyde aende gemeynt ǁ van Gestell dander eynde teghen Morsselaers dander zyde Gerit Jan Geritss ende Aelbert voirss. heeft voirss. heeft ǁ voirts gelooft op hem ende op alle zyne goedens hebbende ende vercryghende gelyck dye manier es dese erffenisse ǁ te waeren ende altyt goet secker ende waldoigenden te maicken als waer dese sesse Carolus tsiaers voerss. ǁ Gegeven int jaer ons heere geboorte duijssent vijffhondert ende negenentsestich de tweentwyntigsten februari