Vindplaats van het origineel
Regionaal Archief Tilburg, toegangsnummer 1433, Charterverzameling Oisterwijk, inv.nr. 114
9 oktober 1537
Samenvatting oorkondetekst
Akte van overdracht voor schepenen van Moergestel, door Jan Peter Ansemss. aan Jan Roeff Goyartss., van een jaarlijkse erfcijns van 6 karolus gulden uit een huis, hof en erf, gelegen bij den langenbeempt te Moergestel.
Transcriptie
Wij Jan Peter Ansemss. ende Willem Mathijs Rosen scepenen in Gestel bij Oesterwyck tuygen onder ǁ onsen gemeynen zegel dat voer ons comen is Jan Peter Ansemss. ende heeft opgedragen ende erffelycken ǁ overgegeven met affgaen ende verteyden ende dat met enen scepenen brieff van Gestel Jannen Roeff Goyartss. ǁ al alsulcke eenen jaerlycken ende erffelycken chyns van sess karolus gulden tjaers erffgels te tweyntich stuyver ǁ tstuck als dese selve Jan Peterss. voers. gecoft ende vercregen hadde van Jannen van Boerden ǁ welcken chyns voers. Henrick Koenen erffelycken geloeft hadde, Jenneken die huijsvrou van ǁ Jannen van Boerden voers. ende dat allen jaer op Lichtmisse dach te gelde ende te betalen vuyt huys ǁ hoff ende erffenisse daer aen gelegen metter eenre syde aen enen beempt geheyten Den Langen Beempt ǁ dander syde aen erve Willem Pijnappel ende Ariaen van Haren metten eenen eynde oeck aen ǁ erven Ariaens van Haren dander eynde aen erve Willem Pijnappel ende Jan Peter Ansemss. heeft ǁ voert geloeft op hem ende op allen syne gueden hebbende ende vercrygende dit opdragen overgeven ende ǁ vertyden Jan Roeffs voers. ervelijck vast ende stedich te houden ende te weren soemen erffpacht scul ǁ dich is te weren ende alle commer daer inne aff te doen gegeven int jaer ons Heeren geboerte dusent ǁ vijffhondert ende sevenendertich opten neghensten dach in octobri ǁ Si[***] XI
Dorsale aantekening:
Jannen Roeffe ǁ VI gulden op Henrick [***] ǁ Lenaertken Pluym tot Gestel