Moergestel

Wij Jan Jacops Beren s. ende Anthonis Goyart Rosen s. scepenen in Ghestel ǁ bij Oesterwyck tuygen onder onsen ghmeynen segel dat voer ons comen ǁ is Jan Henrick Switten soen ende heeft erflick opgedragen ende met enen ǁ helmelingen vertyden overgegeven Ghysbrechten Peter Luyten soen huys hoff ende ǁ erffven daer aen ghelegen omtrent vyf lopenssen groet ghelegen aenden Syl inder ǁ prochien van Gestel metter eende syden aen erve Peters van Brecht met meer ǁ anderen metter andre syden aen erve den kynderen Jan Ansems met meer anderen ǁ metten enen eynde aen erve den heyliggen gheest vanden Bosch metten ǁ anderen eynde aen die ghemeyn straet Daer hy jaerlix vut ghelden ǁ sal onser vrouwen altaer inder kercken van Ghestel een loepen rogghen ǁ Noch den heer van [***] ǁ vercoep een mudde r[ogs] allen jaer op onser vrouwen dach te gelden ǁ ende te betalen ende Jan vercoper voers. heeft voort ghelooft op hem ende op allen ǁ syn gueden hebbende ende vercrygende ende Ghysbrechten voers. die opdragen overgheven ǁ ende vertyden ewelick vast ende stedich te houden ende allen anderen ongenoemden ǁ commer daer inne af te doen ende te weren Ende Ghysbrecht Peter Luyten soen ǁ heeft wederom gheloeft op hom ende op allen syn gueden hebbende ende vercrygende ǁ den voergenoemde Jannen Henrick Switten soen des voers. erve te weren ende ǁ altyt goet ende waeldogende te maken voer dat een mudde rogghen ǁ tsiaers erfpachts voers. Ghegeven int jaer ons heren gheboerte duysent ǁ vyfhondert ende veerthien den sesseendetweyntichsten dach in novembri ǁ inden protocolle [***] LVII ǁ XV

Dorsale aantekening:

Bevonnist ter instantien ǁ van Adam en Geeridt ǁ Corsthens III^en marty ǁ 1586

Alnoch bevonnist XIII^e ǁ meij 1591

Alnoch is bevonnist ǁ 30e aprilis 1596

Alnoch bevonnist ǁ VIII^e mey 1601

Alnoch bevonnist ter  ǁ instantie Robbrecht vande Pas ǁ VII meij 1624 ǁ [***]