Oisterwijk

Anthonis sone Jans sone wijlen Lambert Jan Sijmons, heeft wettelijck ende erffeijck vercocht

heeren ǁ Goijaerden Henricx presbiter ende altarist inder kerken van Oisterwijck, eenen jaerlijcken ende erffelijcken ǁ chijns van achthien ka(rol)i gulden van twintich stuijver tstuck oft die werde daervoor in anderen goeden ǁ gelde, te vergelden ende te betalen allen jaer erffelijck int hoochtijt van onser liever vrouwen ǁ Lichtmis, waeraft den ijersten betaeldach wesen sal int hoochtijt van onser liever vrouwen ǁ Lichtmis nu ijerstcomende, van ende uuijt een dorden gedeelt ombedeijlt in eenre stede te ǁ weten huijs huijs, hoff, schuer ende gront ende erffenisse daeraen liggende ende daertoe

behorende ǁ sess lopensaet oft daeromtrent int geheel begrijpende gelegen inde prochie van Oisterwijck ǁ ter plaetse genoempt Berckel aenden Craen tussen erffenisse Adriaen Huijbert Marcelis aen deen ǁ sijde suijdtwart, ende tussen erffenisse Joostken weduwe Gerit Francken aen dander sijde

noortwart ǁ streckende metten eenen eijnde aen erffenisse Adriaen Huijbertss. voorschreven, ende

metten anderen eijnde aende ghemeijn strate, ǁ noch van ende uuijt een dorden gedeelt ombedeijlt in een stuck ackerlants genoempt den Venacker vier ǁ lopensaet off daeromtrent int geheel begrijpende gelegen ter plaetse voors. tussen erffenisse ǁ Joost Cornelis Jacops aen deen sijde, ende tussen erffenisse Lucia weduwe Henrick Anthonis de Cort aen ǁ dander sijde, streckende metten eenen eijnde aen erffenisse Geritken weduwe Jan Lenart Huenen ende metten anderen ǁ eijnde aende gemeijn strate, noch van ende uuijt een dorden gedeelt ombedeijlt in een stucxken ackerlants ǁ twee lopensaet oft daeromtrent int geheel begrijpende gelegen ter plaetse voors. omtrent de Cappelle ǁ aldaer tussen erffenisse Willem Adriaen Goijaerts aen deen sijde, ende tussen erffenisse der

kijnder Robbert Lambertss. ǁ aen dander sijde, streckende metten eenen eijnde aen erffenisse Aert Mathijs Aertss. ende metten anderen eijnde ǁ aen erffenisse Graeff Henricx vanden Berghe, ende noch van eenen uuijt een stuck ackerlants Denijs Anthonisen ǁ alleen toebehorende drije lopensaet oft daeromtrent begrijpende gelegen aende voors. aenstede, tussen ǁ deselve aenstede aen deen sijde, ende tussen erffenisse der weduwe Jan Peterss. die Lepper aen dander ǁ sijde, streckende metten eenen eijnde aende gemeijn strate, ende metten anderen eijnde aen erffenis ǁ Adriaen Huijberts voors., ende noch van ende uuijt een stuck ackerlants genoempt den Heijacker ǁ hem Anthonisen oijck alleen toebehorende vierdalff lopensaet oft daeromtrent begrijpende gelegen inde ǁ prochie ende ter plaetse voors. tussen erffenisse Jennekens weduwe Jans die Vriese aen deen sijde ǁ ende tussen erffenisse Adriaen Huijberts voors. aen dander sijde, streckende metten eenen eijnde aen erffenisse ǁ Elijas Jan Francken, ende metten anderen eijnde aen erffenisse Jenneken weduwe Jans de Lepper, als hij ǁ sede, om den voors. chijns bijden voors. heere copere in eenen erffrecht te hebben ende te besitten, ǁ gelovende die voors. vercopere als schulder principael op hem ende op alle sijne goeden hebbende ende ǁ vercrijgende den voors. chijns van achthien karoli gulden den voors. heeren copere te waren als men erff ǁ chijns schuldich is te waren ende de voors. onderpanden voor de jaerlijcxe betalinge vande voorschreven chijns ǁ altijt goet seker genoech ende weldogende te houden ende te maken ende allen anderen commer ǁ ende calaingie in de voors. onderpanden wesende den selven aff te doen geheel, getuijgen ǁ waren hier over schepenen in Oisterwijck Jan Janss. Timmermans ende Jan Adriaen Porters ǁ die huere segelen in getuijghenisse hier aen hebben gehangen opten veerthiensten dach ǁ februarij int jaer onses heeren duijsent sesshondert ende vijffendertich ǁ J. Peijnenborchs

Dorsale aantekening:

Numero 25 ǁ XVIII gulden op Anthonis Janss. ǁ [***] ǁ Op desen brief is gelost 200 ǁ gulden ergo rest alnoch 100 gulden ǁ capitael ǁ facit: VI iaerlijcx