Oisterwijk

Yeve weduwe wilner Embrecht Goeswiin sone metten momboer der selver daer toe van ǁ hoer ghecoren ende hoer vanden richter ghegheven als recht is, alsulken tocht ende recht van tochten als Yeve ǁ voers. besitende is inden achtendele van een huse ende hove met sinen gronde ende toebehoerten gheleghen inden ǁ vriiheit van Oesterwiick tusschen d'erffenisse Goeyaert Rombouts op die een ziide ende tusschen die erffenisse ǁ Heiimans op de andere ziide ende noch hier toe inden achtendele van enen stuck lands in eenen ghelockt ǁ begraven viif lopensaet oft daer ontrent begriipende gheleghen inder vriiheit voers. after die [***] ǁ aldaer tusschen den ghemeine wech op de een ziide ende metten enen einde ende tusschen d'erffenisse wilner ǁ Gherits Raeiimakers ende Ians van Eiighen op die ander ziide hodende metten anderen einde aen die ǁ erffenisse heer Ian Bacs riddere noch in een achtendele van enen vierendele in enen stuck beempts ghe ǁ heeten den Hadewiighen beempt gheleghen inde prochien voers. als sii zeeden heeft sii wetteliick ǁ over ghegheven ende opghedraghen Embrechten sone der selver Yeven ende wilner Embrecht Goesswiins ǁ met afgaen ende vertiien als daer toe behoerliic is, om daer uit te moghen vesten voer[***] ǁ erfpacht ende niet voorder ende heeft gheloeft Yeve met horen momboer voers. als een principael sculder ǁ daer op hoer ende op allen hoer gueden die sii nu heeft ende naemaels hebben ende vercriighen mocht ǁ dit daer gheven opdraghen afgaen ende vertiien voerss. den voers. Embrechten horen sone[***] ǁ ghesthendich vast te houden sonder eenich weder segghen ende allen commer ende calangie van horen ǁ weghen daer in wesende altemael af te doen den selven accoorden hebben hier over gheweest ǁ schepenen in Oesterwiick Embrecht Henrick Emmen soen ende Ian van Eyghen inder hoer zeghelen ǁ in ghetuighenisse hier aen hebben ghehanghen int iaer ons heeren dusent vier hondert ende neghen ǁ tigh den diensdach naeden sondach als men singt Iudica twee ende twintich daghen inden [***]

Dorsale aantekening:

Anthonis Buckinck