Oisterwijk

Cont sij enyeghelyken want Yeve weduwe Embrecht Goeswyns met horen momboor alsulcken tocht ende recht van tochten als Yeve ǁ voers. besittende inden achtendeel van eenen huise enden hove met synen gronden ende toebehoerten gheleyghen inde vriiheit van Oesterwijck ǁ tusschen de erfgenamen Goeyaert Rembouts op de een ziide ende tusschen de erffenisse Jan Heymans op de ander ziide item noch inden achten ǁ del van van enen stuck lands in enen gheloect begraven gheleggen viif lopensaet oft daer omtrent begrepen ghelycken ǁ inde vryheit voer. tusschen den ghemeinen wech op de een ziide ende op dat een einde ende tusschen der [***] wilner Gherit ǁ Raeymakers ende Jans van Eyghen op de ander ziide hodende metten anderen einde aen de erfe heer Jan Bacs ǁ inden achtendeele vanden vierendele van enen stuck beempts [ghe]heiten den Hadewyghen beempt ghelegen i[nde vryheit] ǁ voers. h[eden] des daeghs wittelijc over ghegheven ende opghedraghen hadde Embrechten sone die selve Yeve [weduwe] ǁ Embrecht Goesswyns soene voers. om daer uut te moghen [veste] vier lopen roggen erffelyx ende ǁ al in schepenen brieven van Oesterwijck hueden der daeche daer op ghemaect volkomelijck [***] ǁ is ghestaen voer schepenen hier over ghes. Embrecht voers. ende heeft gheloeft als een pricipael schulder hem [***] ǁ ende te ghelden Anthonissen sone wilner Wouter Buckinck vier lopen rogghen jaerlycx ende erfdelijcx pachts te [***] ǁ omme ghelijc jaer erffelijc op onsen vrouwen daghe purificatio uut ende vanden achtendele die [***] ǁ heefft over ghegheven ende opghedraghen met afgaen ende vertyen als daer toe behoerlyc is ende heeft [***] ǁ voers. als een principael sculder op hem ende op allen synen goeden die hy nu heeft ende naemaels hebben [***] ǁ mach dese vier lopen rogghen erfpachs voers. den voers. Anthoniis te waren alsmen erfpacht sculdich [***] ǁ ende dat achtendele vanden huse hove ende arve etcetera voers. voer de betalinghe der vier lopen rogghen [***] ǁ jaerlycx als voers. is daer uut te verghelden goet ghenoech waeldoghend altijt te maken ende zeker [***] ǁ hebben hier over gheweest schepenen in Oesterwijck Embrecht Henrick Emmen soen ende Jan van [***] ǁ ghetughenissen hier aen hebben . ghehanghen int jaer ons heeren dusent vier hondert ende [***] ǁ naeden sondachs alsmen seegt Judica twee ende twintich daghe inden meert

Dorsale aantekening:

Anthonis Buckinck  ǁ Adriaen Peter Peijnenborgh als meester ende provisor vande ǁ gilde van ons lieff vrouwe inder kercken van oisterwijck ǁ met name ende van weghen der selver gilde met consent ǁ vanden gemeijnen giltbroeders kent ende lijdt midts desen ǁ dat Jan Beijherts aen sijnen handen gelost ende gequeten ǁ heeft drije lopen roggen tsers inden pacht van ǁ vier lopen roggen in dwitte van desen gescreven ǁ gelovende alsoer onder verbant ut moris est ǁ den voors. Beijherts ter saken vanden voirs. drije ǁ lopen roggen tsers nijet meer te eijschen te manen te thijen of te molesteren doen noch laten ǁ eijsschen manen thijen of molesteren in recht noch daerbuijten in egheender ǁ manieren Allet sonder argelist testes ǁ J Hoevel et J [***] den IXden ǁ octobris anno [***]

IIII lopen rogs totte [***] vande heijlighcruys ǁ op Yeve Goessens