Oisterwijk

Jacop sone wijlen Bartholomeus Henrick Betten heeft wettelijck ende erffelijck ǁ vercocht Adams Adriaens. eenen jaerlijcken ende erffelijcken chijns van sess carolus gulden ǁ van twintich stuijveren tstuck of die werde daervoor in anderen goeden gelde ǁ vergelden ende te betalen allen jaer erstelijck opten nijeuwen jaersdach, waer aff den ǁ ijersten betaeldach wesen sal van nijeuwjaersdach nu ijerstcomende over een jaer ǁ van ende uuijt een stuck erffe genoempt het oudt heijvelt alsnu eensdeels ǁ tuelant wesende met noch een cleijn heijveldeken met eenen stert daer ǁ achter aen gelegen wesende acht lopense oft daeromtrent tsamen begrijpende ǁ gelegen inde prochie van Oisterwijck ter plaetsen genoempt Huijckelom ǁ op de hoeven Int Rack tussen erffenis Adriaen Jan Janssen aen deen sijde, ende tussen ǁ erffenis Gielis Janssen deWeer aen dander sijde, streckende metten eenen ǁ eijnde aen erffenis genoempt het Wielweijken hiernaer genoempt ende ǁ metten anderen eijnde aen erffenis Adriaen Jan Janssen voors., ende noch ǁ van ende uuijt twee stucxkens weijvelts genoempt de Wielweijkens gestaen ǁ [***] lopense of daeromtrent tsamen begrijpende gelegen ter plaetsen [***] ǁ tussen het oudt heijvelt hiervoor genoempt aen deen sijde, ende tussen erffenis ǁ Gielis Janssen de Weer aen dander sijde, streckende metten eenen eijnde ǁ gemeijn aldaer, ende metten anderen eijnde aen erffenis Adriaen Jan Janssen ǁ ende [***] eensdeels aen een steghde aldaer ende erffenisse nutertijt toebehorende ǁ Aert Bartholomeeus Daniels, als hij seeghde, om den voors. chijns bij den voors. Adam ǁ in eenen erfrecht te hebben ende te besitten, Gelovende die voors. Jacop als ǁ schulder principael op hem ende op alle sijne goeden hebbende ende vercrijgende ǁ den voors. chijns van sess carolus gulden den voors. Adammen te waren als men dese chijns ǁ schuldich is te waren ende de voors. onderpande voorde jaerlijcxe betalinge vande ǁ voors. chijns altijt goet seker genoech ende weldogende te houden ende te maken ǁ ende alle anderen commer ende calangie inde voors. onderpande wesende der ǁ selven aff te doen gehelijcken, uuijtgenomen derthien stuijvers ende twee denari tsjaers ǁ of daeromtrent in twee [***] in shertogen chijns ijerst van rechtswegen daer uijt ǁ te vergelden staende, ende dat men over de voors. Wielweijkens moet[***] ǁ den ghenen welce met recht daer over hebbende, ende te onderhouden[***] ǁ alsulcken waterlaet als daer door is lopende, Getuijgen waren hier over ǁ schepenen in Oisterwijck Goossen Embrechtss. vander Borcht ende Jan Janssen Timmermans ǁ die huere segelen in getuijgenisse hier aen hebben gehangen opten achtentwintichste ǁ dach Decembris int jaer ons Heeren duijsent sess hondert negenentwintich

Dorsale aantekening:

Bevonnist den ǁ 2e april 1686

Adam Adriaenss. ǁ VI gulden tsjers op ǁ Jacop Bartholomeus ǁ H. Sacraments ǁ gilde tot Oister ǁ wijck

Overghegeven ende opgedragen ǁ mits desen aende gilde vande alerheijlighen ǁ sarcrament tot Oisterwijck ǁ ….etor opten 15 februarij 1651 ǁ Mart. Van Hees ǁ 1651