Oisterwijk

Joost sone Adriaen Joosten als man ende momboir Jenneken douwtste sijne huijsvrouw dochtere wijlen Adriaen Jan ǁ Nauwen bijden selven Adriaen ende bij wijlen Anna sijne huijsvrouw dochtere Adriaen Aert Elias tsamen verweckt, heeft ǁ wettelijck ende erffelijck vercoght Gielisen Janssen de Weir tot behoeff vande bruerschappe van onser liever ǁ vrouwen inder kercken van Oisterwijck eenen jaerlijcken ende erffelijcken chijns van drije karolus gulden van twintich ǁ stuveren tstuck off de waerde daer voor in anderen goeden loopenden gelde te vergelden ende te betalen allen ǁ jaer erffelijck op Sinte Gertruden dach waeraff den iersten betaeldach wesen zal op Sinte Gertruden ǁ dach nu naestcomende wezen van gisteren over een jaer van ende vuijt een stucxken eckerlants een lopensaet ǁ oft daeromtrent begrijpende gelegen inde prochie van Oisterwijck ter plaetsen genoempt inde Sesshoeven ǁ tussen erffenisse der erffgenamen Claes Gerit Colen aen d'een sijde ende tussen erffenisse der kijnderen Lenaert Jacops. aen ǁ d'ander sijde ende metten eenen eijnde strecken metten anderen eijnde aenden gemeijnen wech aldaer ende ǁ noch van ende vuijt een stuck beempts vijff lopensaet oft daeromtrent begrijpende gelegen inde prochie ǁ voors. ter plaetsen genoempt Udenhoudt int Willichbroeck omtrent de Gruenstraete tussen erffenisse Marie ǁ weduwe Peter Thijs Vuchts aen d'een sijde, ende metten eenen eijnde tussen erffenisse Jenneken weduwe Lambert ǁ Joosten aen d'ander sijde streckende metten anderen eijnde aen erffenisse Aert Aerts. van Tilborch, als hij sede ǁ om den voors. chijns bij de voors. bruerschappe in den erffrecht te hebben ende te besitten gelovende ǁ die voors. Joost als schulder principael op hem ende op alle sijne goederen hebbende ende vercrijgende ende ǁ is te waren ende die voors. onderpanden voor de jaerlijcxe betalinge vande voors. chijns altijt ǁ goet seker genoech ende verdogende te houden ende te maeken ende allen anderen commer calamgie ende ǁ aentael daerinne wezen der selver aff te doen geheelijcken vuijtgenomen een thuijn erffchijns ǁ den hertoge van Brabant vuijtten voors. stucxken lants gaende ende noch sekeren grontchijns metten ǁ voors. stuck beempts den pastoir van Oisterwijck ijerst van rechts wegen daer vuijt te vergelden ǁ met conditien hier inne toegedaen dat die voors. Joost den voors. chijns sal mogen lossen ende quijten ǁ altijt alst hem gelieve sal finaels ende eens met vijfftich gelijcke karolus gulden metten jaerchijns ende ǁ metten afterstelle ten thijde vande los(sing) ten achteren ende ombetaelt staende Behoudelijck dat hij ǁ Joost schuldich sal zijn den los(sing) een halff iaer te voirens wettelijck op te seggen Getuijgen waren ǁ waren hier over scepenen in Oisterwijck Dierick Gerits. vande Wiel ende Goossen Peijnenbarch ǁ die huere segelen in getuijgenissen hier aen hebben gehangen opten achthiensten dach vande merte ǁ int jaer ons heren duijsent sesshondert ende negen ǁ L Coene

duplicetur una pro gilda altera pro iuduco ǁ littra gilda

Dorsale aantekening:

Gilda Marie in Oisterwijck ǁ III karolus gulden tsers op ǁ Joost Adriaen Joosten

B: in judicio voor den achterstaende ǁ intrest, actum den 25 7ber 1685