's-Hertogenbosch

Andries sone wijlen Peeters Jacobs vander Voort ende Adriaen sijnen sone ǁ beijde woonenden in de parochie van Haren bij Oisterwijck hebben onverscheijden ende een ǁ voor wittelick ende erffelick vercoft Peeteren vanden Berch sone wijlen Anthonis ǁ vanden Berch, eenen jaerlicken ende erffelicken chijns van seven ende eenen halven Carolus ǁ gulden tot twintich stuijvers goets gancbaers gelts elcken gulden gereeckent, te ǁ betaelen alle jaer erffelick opten twelffsten dach der maent van meert, ende voor den ǁ iersten termijn van betaelinge opten twelffsten meert anno xvic tweentsestich, ǁ Ende binnen dese stadt vrij van alle beeden, exactien, subventien, commeren ǁ schattingen ende lasten ingestelt ende noch naermaels ingestelt te wordden egeene ǁ lasten uutgescheijden te leveren ende te vergelden, van ende uut eenen ackerlants ǁ genoemt den nieuwen acker, ses loopensaten lants oft daeromtrent begrijpende ǁ gelegen in de parochie van Haren voors. omtrent de molen aldaer, tussen erve ǁ der tafele vanden heijligengeest tot Oisterwijck aen d' een sijde, ende tussen erve ǁ van Wouter Demers aen dander sijde, streckende mitten eenen eijnde op de gemeijn ǁ heijrbane ende mitten anderen eijnde op eenen gemeijnen waterloop aldaer, ǁ des voors. Andriessens onderpandt, zoo zij verclaerden, vande selven coopere ǁ mitten erffrecht te hebben ende te besitten, Ende hebben die voorn. vercooperen ǁ den voors. chijns den voorn. coopere opgedragen met helmelinge vertijdenis ǁ inne maniren indien gewoonlick zijnde, Geloevende die voors. vercoopers ǁ als sculdenaeren principael onverscheijden ende een voor al op verbant van ǁ henne persoonen ende alle henne goederen present ende toecomende, dat sij den ǁ voorn. cooper vande voors. chijns sculdige ende gerechte sullen doen warantschap, ǁ ende dat sij allen anderen commer, calangie ende aentael in t' voors. onderpandt ǁ wesende oft comende den voorn. coopere aff sullen doen geheelicken, Ende ǁ dat zij oijck den voors. onderpande voor de betaelinge des voors. chijns den ǁ voorn. cooper jaerlicx daeruut, als voor, te vergelden altijt goet genoch ǁ ende welduegende sullen maecken ende houden, met conditien inne desen ǁ toegedaen dat die voors. vercoopers den voorn. chijns sullen moegen ǁ lossen ende quijten tot allen tijden t' effens ende ten eenemaelen mitte ǁ somme van hondert ende vijftich Carolus gulden tot twintich stuijvers ǁ goets permissie gelts elcken gulden gereeckent, ende mitten loopenden ǁ jaer chijns ende achterstellen ten tijde der afflossinge daervan t' achter ǁ ende ombetaelt staende, Behoudelick dat men den voors. los schuldich ǁ ende verbonden sal wesen een halff jaer te voorens wittelick te vercondigen ǁ ende op te seggen, Getuijgen waeren hierover scepenen inne ǁ sHertogenbossche Johan Davidts van Oerle ende Joost Aertssen Canters ǁ Gegeven den twelffsten dach der maent meert in t' jaer ons Heeren ǁ duijsent sesshondert eenentsestich ǁ

L. C. van Kessel ǁ Littera Petri [***]

Linksermarge:

Debet sigillum mits de ǁ gecoitteerde totte ǁ distributie ǁ vant 'cleijn ǁ zegel tijde ǁ der extentie ǁ ende van waren ǁ onversien.                                                   

Dorsale aantekening:

Haren ǁ constitutie van ǁ VII 1/2 gulden