's-Hertogenbosch

Matheus Janssen als wittich man ende momboir van Catharina sijne huijsvrouwe dochtere Jans Janssen de Bruijn ǁ woonende tot Enschot heeft wittelick ende erffelick vercoft Aelbert Jan Andriessen van Hese tot behoeff van Catharina ǁ dochtere Jan Andriessen van Hese de Jonge eenen jaerlicken ende erffelicken chijns van vijff carolus gulden tot twintich stuijvers ǁ goets gancbaers gelts elcken gulden gereeckent, Te betaelen alle jaer erffelick opden tweeden meert ende voorden eersten termijn ǁ van betaelinge opden tweeden meert XVI C sevenentsestich, Ende binnen dese stadt vrij van alle beeden, exactien, subventien ǁ commeren, schattingen ende lasten ingestelt ende noch naermaels ingestelt te wordden egeene lasten uut gescheijden te leveren ende ǁ te vergelden, van ende uut een vierdegedeelt in een stuck lants groot seven ende een halff loopensaet gelegen tot Enschot ǁ aende kerck, nevens erve Cornelis Anthonis Fennincx d'een zijde, ende nevens erve Jans Janssen de Bruijn aen ǁ d'ander sijde, streckende van erve der erffgenaemen Jan Adriaens van Gorcum tot op erve Goijart Willems mit meer ǁ andere, vande selve Catharina mitten erffrecht te hebben ende te besitten, Ende heeft die voors. vercooper den voors. chijns ǁ den voorn. Aelbert van Hese tot behoeff vande voors. Catharina opgedragen mit helmelinge vertijdenis in maniren in dien ǁ gewoonlick zijnde, Geloevende die voors. vercooper als sculdenaer principael op verbant van zijnen persoon ende alle zijne ǁ goederen present ende toecomende dat hij de voorn. Catharina vande voors. chijns schuldige ende gecochte sal doen warantschap, ǁ ende dat hij allen anderen commer, calangie ende aentael int voors. onderpandt wesende oft comende de voorn. Catharina aff sal doen ǁ geheelicken, uut genomen vier stuijvers drije duijten chijns aende Rentmeester Bockholt, ierst jaerlicx als naer Rechte daer ǁ uut te vergelden staende, Ende dat hij oijck het voors. onderpandt voorde betaelinge des voors. chijns de voorn. Catharina ǁ jaerlicx daeruut, als voor, te vergelden altijt goet genoch ende welduegende sal maecken ende houden, mit conditien inne ǁ desen toegedaen dat die voors. vercooper den voors. chijns ten allen tijden sal mogen lossen ende quijten teffens ende ǁ t'eenemael mit de somme van hondert Carolus gulden tot twintich stuijvers goets permissie gelts elcken gulden gerekent ǁ ende mitten loopende jaerchijns ende achterstellen ten tijde der afflossinge daervan t'achter ende ombetaelt staende, Behoudelick ǁ dat men sculdich ende verbonden sal sijn den voorn. los een halff jaer te voorens wittelick te vercondigen ende op te seggen, Getuijgen ǁ waeren hierover scepenen in sHertogenbossche Laureijns van s'Gravesande ende Johan Franchoijs Balbiaen ǁ gegeven den tweeden dach der maent meert int jaer ons heeren duijsent sesshondertsessentsestich ǁ .. Meulenaer [***] Catharina [***]

Linkermarge:

debet sigillum ǁ mits de gecommit ǁ teerde daarvan ǁ waren onversien

Dorsale aantekening:

Enschot ǁ constitutie van ǁ V gulden