Oisterwijk

Jan sone wilner Aert Langerbeens heeft geloeft als een schulder principael hem te gheven ende te betalen Aerden soen ǁ wilner Wouter Aert Langerbeens soen tot behoef Laureynsen, Margrieten ende Adrianen kynderen wilner Reyners Smolneers ǁ ende wilner Aleyten sijns wijfs dochter wilner Wouter Aert Langerbeens soen voers., Een half mud rogge iaerlijcs ende erfelijcs ǁ [***] alle jaere erfelijc op ons vrouwe dach alsmen kerssen dreeght ende optie erffenis hier optie erffenisse te gheven ǁ ende gelegen van ende uut enen huijs ende hove met sijnen gronde ende toebehoerten des voers. Jan Aert Langerbeens soene ǁ [***] van Oesterwyck ter stede gheheyten Berkel aen den Ketshovel tusschen erfenisse [***] ǁ optie een side oestwaerts ende tusschen erfenis [Heijlwich] vanden Brekelen op dander side westwaerts [***] ǁ strate alhier totter erfenisse Ians Brocken, uute huijs ende hof met siinen gronde ende toebehoerten voers. vier lopensaet lant ǁ of daer omtrent begriipende is als hi seyde ende heeft voertaen geloeft Jan soen wilner Aert Langerbeens voers. als een ǁ schulder principael op hem ende op allen siin guede die hi nu heeft ende namaels hebben ende vercrigen mach desen voers. erfelicke ǁ pacht van een halven mudde rogge den voergen. Laureyns, Margrieten ende Adrianen kiinderen wilner Reyners Smolneers ende ǁ wilner Aleyten voers. te waerenen tot ewichen dachen, ende dit voers. huys ende hof met siinen gronde ende toebehoerten voer betalinge ǁ des erfelicken pachte voers. Laureynsen, Margrieten ende Adrianen voers. iaerlijcs daer uut als voers. is te vergelden goet genoech ǁ waeldogende altiit te maken ende seker genoech. Orconde hebben hier over geweest scepenen in Oesterwyck Jan vander Elst ǁ ende Willem Luwe die hoeren segelen in getugenisse hier aen hebben gehangen int iaer ons heren dusent vierhondert ǁ veertich ende drie op sente Agathen dach der maeght, vive dage in februario