Oisterwijk

Wij schepenen ende burgemeesteren der vryheyt van Oisterwijck kennen ende lijden voir ons onse hoiren ende nacomelingen dat wij ǁ wettelijck ende erffelijck vercocht hebben Janne Sijmonss. de Cort tgebruijck mede in onser gemeijnten van Oisterwijck tot ǁ eenen huijs ende hoff metter erffenis daeraen gelegen, vier lopensaet lants off daerontrent begrijpende gelegen in de prochie van ǁ Oirschot ter plaetse genoempt Spoordonck tussen erffenis der erffgenaemen Rutgers van Oudenhoven aen dersijde ende tussen de gemeijn ǁ strate aen dander sijde streckende metten eenen eijnde aen erffenis Henrick Janss. vander Lusdonck ende metten andren eijnde ǁ aen erffenis der erffgenaemen Henrick Wouterss. vander Lusdonck te weten dat hij ende sijne nacomelingen off hunne laten ofte ǁ huerlingen die wonen sullen op dese woonstede voirs. ende [***] egeene sullen mogen gebruijcken ten eeuwigen dagen onse ǁ gemeijnte gelijck wij van onsen inwonenden medeburgeren ende poirteren nae allen den heuren geboden ende uutgeven ǁ der borgermeesteren ten tijde wesende in welcke geboden [***] uutgeven ende oijck vercoopen de voirs. Jan ende sijne oiren ǁ ende nacomelingen ende huere laten ende huerlingen opten woonstede voirs. wonende altijt gehouden ende verbonden sullen sijn ǁ te houden ende te consenteren ende hebben gelooft ende geloven midts desen wij scepenen ende borgemeesteren voirs. in goeder trouwen ǁ voir ons onse oiren ende nacomelingen desen voirs. coop vanden gebruijck der voirs. gemeijnten der voirs. Jannen ende zijne ǁ naecomelingen altijt vast ende stedich te houden sonder druck wederseggen ende den selven Jannen noch sijnen oiren, nacomelingen oft ǁ laten int gebruijck voirs. nijet te letten met eenigen recht bij ons off ijemant anders in eeniger manieren met conditien toe ǁ gedaen dat de scepenen ende borgemeesteren der voirs. vrijheijt ten tijde wezende altijt alst hen gelieven sal sullen mogen vercoopen ǁ ende verhueren [zoe velen] van ende inder gemeijnte voirs. als hen dat gelieven sal zonder becroen van Jannen ofte zijnen ǁ nacomelingen sonder argelist ende des toirconden soe hebben wij scepenen ende borgemeesteren borgeren onser vrijheijt segel hier aen ǁ doen hanghen inde jare duijsent vijffhondert seven ende tsestich opten zevenentwintichsten dach novembris. ǁ appointementen pro tho[***] q[***] als schepenen ǁ Dierick vanden Broeck ende ǁ Embert Goossens als borgemeester