Oisterwijk

Cond ende kennelyck sy eenen yegelycken die dese tegenwoerdige testamentlyck dispositie sullen zien ofte hoeren ǁ lesen dat in den jaer die geboerten ons heeren dusent vyffhondert sess ende vyftich den drye ende twenichsten ǁ dach der maent aprilis in tegenwoerdicheyt van den eerweerdigen heylige Sacramente ende myn heer Gerit Kepkens ǁ als kapelaen der prochikercken des apostels Sinte Peter der vriheyt van Oesterwiick + sbisdoms van Ludick ende ǁ die getuygen hier onder gescreven zyn verscheenen die discrete personen Jan Ghysbert die Scoemakerss. ende met ǁ hem Corneliske Jan Roeloff Peynenborchs dochter zyn wittige huysvrouwe, al wast dat zy testatrice cranck was ǁ nochtans van goeden verstande aenmerckende dat niet sekerderen is dan die doot ende niet onsekerder die vre ǁ der zelver hebben daeromme eendrachtelyck die een met des anders wille haer testamente ende uytersten wille ǁ gemaect ende verclaert maken ende verclaeren midts desen in manieren hier na volgende Inden yersten bevelende ǁ hare zielen gesceyden zyn uyt haren sterffelycken lichamen gode almachtich ende daerna hare lichamen die gewyden ǁ aerden, maken zy testatoren voer het onrechtveerdich goet dat zy onwetens hebben mochten nadie doot ǁ van den yersten afflivigen Sint Lamberts fabrycke tot Ludick eenen stuver eens, alnoch maket zy testatrice met ǁ wil van Jannen haeren of tegenwoerdigen man onsen Lieve Vrouwen Broederschap inder kercken van Oesterwyck na ǁ [haeren doot?] vyff stuvers, Sinte Catharyn ende Sinte Barbara aldaer elcken drye stuvers eens, Daer en boven maken ǁ zy testatoren deen den anderen den lancxte levende van hen beyden zynen ofte haren vryen wille in allen hoeren ǁ goeden beyde heeft ende erff daer zy testatoren macht in hebben, het zy te vercopen, te transporteren, ende ǁ belasten so dat den zelven goetduncken zall ten eynde dat die lancxte levende daermede zal beta ǁ len allen ende yegelycke hore wittige schulden die zy schuldich mochten zijnen ende haerder beyde kynde ǁ ren daermede oock sal onderhouden ende op helpen, willen zy testatoren voirs. eendrachtelyck dat dit zel ǁ ve testamente ende horen lesten wille voers. van waerden zy macht vasticheyt ende voertganck hebbe in alen ǁ manieren dat enige testamente vasticheyt ende voertganck hebben mach sonder arch ende liste, dits gesetten ǁ huse daer zy testatoren wonachtich waeren staende in de vriheyt voirs. after die lynde int by wesen van Cor ǁ nelis Geritssen van Oss ende Jacob Anthonis sBerenssen costere als getuygen daer toe geroepen ende gebeden in ke ǁ nisse der waerheyt so heb ick heer Gerit voors. dit zelve testament met mijnen gewoentlycken zegel hier be ǁ neden uythangende bezegelt, ten jare maende, dage als boven ǁ G. Kepken

Dorsale aantekening:

Testament van Jan Gijsbert ǁ ende zyn huysvrouwe