Oisterwijk

Heer Willem priester Pauwels Thielman, Embert Cornelis ende Jacop gebruederen ende Sophia hen suster kynderen wilner Willem Huysmans Bartho ǁ lomeus soen wilner Thomas Groys als man ende mombaer van Margrieten synre huysvrouwe dochter Willems voirs. Claes Jan Timmermanss als man ǁ ende mombaer van Margrieten syne huysvrouwe dochter wilner Thomas Nulants ende Jan Andries Lambertss inden naem ende van wegen Jan soen ǁ wilner Thomas Nulants voirs. daer hij voir geloeft heeft, hebben met malcanderen een erfdeylinge ende erffscheydinge gemaeckt ende gedaen met ǁ rade van haeren vrienden van alsulcken erfpachten ende erffelycke gueden als hen tsamen nae den doot van Henrick Willem Emmenss hueren oom bij recht van ǁ versterve aencomen verstorven ende bij testamenten gemaeckt syn overmidts welcker erfdeylinge ende erffscheydinge wille voirs. soo sal Pauwels ǁ voirs. hebben ende erffelyck besitten die helft van den twentich lopen roghs erfpachts die welck jaerlycx erffelyck geldende is Jacop die Brouwer ǁ uuyt eenen huyse ende hove hem toebehorende gelegen inder vrijheyt van Oesterwyck in de Kerckstraten aldaer tussen erffenisse Jueth van Tilborgh nu ǁ toebehorende Jan Scheyve op die een zijde, ende tussen erffenisse Pauwels ende Bartholomeus voirs. op die ander zyde waer aff dander halft heeren Willemen ǁ synen brueder voirs. in desen deylinge te deele gevallen is, nae inhoudt scepenen brieven van Oesterwyck daer op als hy seghde gemaeckt ende ǁ hebben dese deylderen voirs. d'een op des anders gedeelt wittelyck ende erffelycken vertegen ende op alle scepenen brieven ende voirwaerden daer aff mentie maeckende ǁ ende gewach doende ende op allen den recht hen hier inne enichsins toebehorende met affgaen ende verthyen in manieren als daer tot behoirlycken ǁ gelovende als principael schulderen op hen ende op alle hen gueden die zy nu tertyt hebben ende naemaels hebben ende vercrygen sullen dese erfdey ǁ linge ende erffscheydinge malcanderen altyt vast ende stentich te houden sonder enich wederseggen, ende allen commer ende calaengie elck van ǁ zynre wegen ende Jan Andriesss. van wegen Jan Thomaesss. voirs. daer inne wesende doen den anderen altemael afte doen, Met voirwaerden ǁ toegedaen in dien enige van desen deylden op syn gedeelte dat hem in dese deylinge te deele gevallen is enigen commer met recht quame die zy hier nyet ǁ genoempt en hebben dien ongenoemden commer alsoe met recht commende hebben zy geloeft op die verbyntenisse voirs. kynt kyntsgedeelte malcanderen ǁ gelijck te helpen dragen. Item noch eest voirwaerde ende onderspreecken in dien enigen van desen deylderen voirs. min oft meer gerecht mocht ǁ wesen totten gedeylden goeden voirs. dan voirs. is die actie ende dat recht sall altyt buyten desen deser deylinge blyven staen ende sullen malc ǁ kanderen daer aff restitutie ende vercoopen te doen elck nae quantiteyt van synen gedeylden gueden voirs.. Ende oick in dien enige vanden deylderen ǁ voirs. enige oppositie ende contradictie van recht mochte geschieden tegens dese gedeylde gueden off deylinge voirs. daer aff hebben zy ǁ malcanderen geloeft bystant te doenen ende gelyck die oppositie ende contradictie te helpen desen doen verantwoerden ende doen dragen op ǁ die verbyntenisse voirs..Oirconde hebben hier over geweest Scepenen in Oisterwyck Wouter Jacop Stynss. ende Wouter Roelof Peynenborch ǁ die hier zegelen in gethuychgenisse hier aan hebben gehangen. Int jaer Ons Heeren duysent vyfhondert ende dartich op ten seventhiensten dach der maent october

Dorsale aantekening:

Den deelbrief van ǁ Henrick Emmen