Oisterwijk

Wij scepenen gheswoiren raetsluyde, kerckmeesteren, heyligeestmees [***] de gemeijn gebueren ende innegesetenen der vrijheit van Oesterwijck doen condt enen yege ǁ lijcken die dese onse brieve sullen sien oft hoiren lesen, dat [***] voirraeden ende [***] oepenbaren Sonnendaeghs kerckgeboeden ǁ vergadert wesende, omme seekeren groete lasten ende scaden die [***] gehadt hebben vanden [***] zware lasten daer wij tegenwordelijcken ǁ inne zijn, welke lasten ende commeren wij onder malcanderen nijet en [***] inden [***], Ende omme den meesten scade metten minsten te scutten ǁ ende omme den selven commere te betalene wittelijcken ende erffelijcken oft [***] Engelen weduwe wijlen Goessens vanden Doiren, dochter wijlen Jans Laureijs Groeijss ǁ een jaerlijcke ende erffelijcke lossrente van soeven florijnen Rijnsgulden gemeijnlijck ghenoempt tweyntich penningen stuvers gemeijnlijck genoempt voer elken gulden ǁ gerekent, hier inne gerekent die gouwen sonnecroenen voer vijve ende dertich stuvers, die[***]voir vier ende dertich, den gouden oeverlens Rijnsgulden voer soeven ende ǁ tweyntich stuvers, Ende de dobbele Karolus ende Maria vuerijseren voer twee stuvers ende een oert, die Karolus stuvers voer eenen stuver ende een oert, oft andere goet ǁ gelt vander selver werden, Te vergelden alle jaer erffelijcken inden hoechtijden van Korsmisse, ende then Bosch opten Wijfele vrij ende loss, oft in Engelen voirs. ǁ hoeren erven oiren ofte nacomelingen handen te leveren op onsen cost last ende aventueren van allen lasten beden scaden ende scettingen vander voirs. vrijheit wegen ǁ hoedanich die wesen mochten, welke losrente voirs. wij bekennen datze Engel voirs. wael ende wittelijcken gecost heeft teghen ons met hueren

gereden pen ǁ ningen, welke penningen wij bekennen dat wij van Engelen voirs. ghebuert ende ontfangen hebben in munte ende prijse hier nae bescreven ende die voirts ǁ beset ende bekeert hebben in onsen gemeijnen nootoirbare ende proffijte ons lasts voirs. ende anders dairs ons ende onsen vrijheit voirs. van noede was, ende ǁ welke lossrente wij allen gesamenderhant inden name van ons selven ende vander gemeijnder vrijheit wegen ende elke van ons voirall als principael ǁ sculdenaren geloeft hebben in goeder trouwen te gelden ende te betalene, der voirs. Engelen hueren nacomelingen nae hoer oft hoeren seekeren boede brengen van desen ǁ brieve der copien auctentijcke in manieren voirs., Ende hier voer hebben wij verbonden ende verbijnden ons onse oiren erven ende nacomelingen, ende elke voerall ǁ alle die gueden van ons onsen oiren erven ende nacomelingen, hoe ende waer die gelegen sijn, die wij nu hebben ende namaels vercrijgen moegen, ende wert ǁ saecke dat wij weren in ennigen gebreecke der betalingen vander lossrente voirs. ennigen toecomende tijde, Ende Engel voirs. hoer oiren erven ende nacomelingen ǁ oft hoere zekere boede brengere van desen brieve oft vanden copien als voirs. is, dat aen die scepenen then tijde wesende, oft ennige der selver oft aen huer ǁ woenstat versocht hedden, willen wij ende consenteren dat zij alsdan vertennacht geleden nae elken termijne geleden ende gevallen sal moegen verteren op ons ǁ ende onse voirs. vrijheit, elke daechs dat wij in gebreecken waren van elken Rijnsgulden enen halven stuver, welken halven stuver van there wij hoer geloeft ǁ hebben ende geloeven te betalen sonder die principael rente ijet te minderen, Ende hebben voerts vertegen ende verthijen voer ons onse oiren erven ende nacome ǁ lingen, van allen vriheyden van previlegien poerterijen Sunte Peters manscappen jaermercten weeckmercten respijt brieven quinkernellen, ende voerts die ǁ exceptien datmen seegt dat gemeijn vertijenisse nijet en diet, Ende voerts alle anderen defensien ende bescuddingen hoedanich die wesen mochten geestelijcken ǁ ende weerlijcken die ons in desen souden moegen helpen, Ende Engelen voirs. letten oft deren in enniger manieren tegen dese letteren oft tegen ennige vanden ǁ voerwaerden ende geloeften die in desen letteren bescreven staen, behoudelijcken dien dat wij die voirs. lossrente then ewigen daegen sullen moegen lossen ǁ ende affquijten tzamen metter sommen van hondert ende vijff Rijnsgulden tstuck tot tweyntich stuvers gerekent, ende dat in penningen als hier nae volgen te ǁ wetene met goudene sonnecroenen oft ducaten, tstuck voer vijve ende dertich stuvers, met goudene oude croenen tstuck tot vier ende dertich stuvers, met goudene bourgoenschen ǁ rijderen oft vugerschen guldene tstuck tot zess ende dertich stuvers, met goudene oeverlens Rijnsguldene tstuck tot soeven ende tweyntich stuvers, met dobbelen vuerijseren ǁ der munten wijlen hertogen Karolus oft hertoghinnen Marien, hertoghen ende hertoghinnen doen zij leefden van Bourgondien van Brabant etc. tot twee stuvers ende ǁ een oert, met halven der selver vuerijseren tstuck tot enen stuver ende een halff oert, met Karolus stuvers tstuck tot enen stuver ende een oert, met halven van dien ǁ nae advenant, met dobbelen zasseners penningen tstuck tot twee stuvers ende drie oert stuvers, metten halven ende metten vierdelkens van dien nae adve ǁ nant gerekent, ende met egenen anderen penningen, Ende oft geboerden dat die voirs. penningen namaels in ennige toecomende tijde ennigen hoegeren oft ǁ legeren cuers hedden dan voirs. is, dat wij nochtan niettemin der selver Engelen oft hoiren nacomelingen die voirs. penningen sullen gheven ende ǁ betalen then prijse als voirs. is, te samen metter renthen vanden jare als men die lossen ende affquijten sal, ende metten afterstelle oft dan daer ennigen ǁ tafter ende ombetaelt stonde, behoudelijcke dat wij then tijde als wij die rente lossen sullen der voirs. Engelen hoeren oiren erven ende nacomelingen dat ǁ een jaer te voeren verkundigen ende den werte daer aff doen sullen, Ende oft namaels geboerden dat God verhueden moet dat dese tegenwoerdige ǁ letteren in ennigen toecomende tijden gestoelen gescoert oft verbrant werden, soe geloeven wij der voirs. Engelen hoeren oiren erven ende nacomelingen nae dien ǁ wij des versocht sullen wesen, binnen eenre maent daer nae, wederomme een andere letteren te bezegelen ende te verlenen nae der copien oft den transscrift van ǁ van desen, ende hebben geloeft als voere inden gevalle dat Engelen voirs. oft hoeren nacomelingen inder manieren voirs. in toecomende tijde egheen betalinge ǁ en gheschiede, ende wij oft onse nacomelingen daer inne gebrekelijcke vielen, dat wij als dan ende in dien gevalle then versueke der voirs. Engelen ǁ hoiren oiren erven ende nacomelingen sullen scicken vijve oft zesse goede mannen uuijt der vrijheit voirs. wael geguet wesende, die der selver Engelen voir ǁ scepenen vanden Bosch, een gelijcke veste doen sullen van soeven gelijcke Rijnsguldene staende ten losse als voer, met condicien toegedaen dat wij en onse voirs. ǁ vrijheit ende die voirs. vijve oft zesse goede mannen met [***] ende lossingen gestaen sullen, allet sonder droch oft argeliste, des torconden ǁ [***]