Oisterwijk

Peter soen wilner Henricks die Lepper als man ende momboir van Margriet ǁ zijner huysvrouwen dochter wilner Willem Vendicks heeft geloeft als een prin ǁ cipael sculder te gelden ende te betaelen Wouteren soen wilner Thomaes Wouterss. ǁ een halff mud roggen jaerlijcks ende erffelijcks pachs allen jaer erffelijck op ǁ Onser Liever Vrouwendach purificatie ende binnen der vryheyt van Oesterwijck ǁ metten marten van Oesterwijck te leveren wt ende van eenen stuck lants ge ǁ heyten die scheetlap ses loepensaet oft daeromtrent begrijpende gelegen inde ǁ parochien van Haeren in die gemeyn eckeren aldaer tusschen erffenisse Peter Brocken optie ǁ een zijde oestwaert ende tussen erffenisse Dircks die Borchgreve optie ander ǁ zijde westwaert streckende metten eenen eynde noertwaert aen erffenisse Goessens ǁ van Uden ende metten anderen eynde zuijdenwaert aen erffenisse Peter Wijns als ǁ hij sede hevet oevergegeven ende opgedraegen met afgaen ende verthijen als ǁ daer toe behoerlijcken is, Ende heeft Peter voers. geloeft als een principael ǁ sculder op hem ende op allen zijn gueden die hij nu heeft ende naemaels hebben ǁ ende vercrijgen mach dit halff mud roggen erfpachs voers. Wouteren voers. ǁ te waeren als men erfpacht sculdich is te wesen, Ende dit voers. onderpant ǁ voer die betaelinge vanden voers. erfpacht daer jaerlijcks uut te vergelden ǁ als voers. is altijt goetgenoch waeldogende te maecken ende zeker genoch ǁ orconden hebben hier oevergeweest, scepenen in Oesterwijck Gerit van ǁ Berck Claess. ende Jacop Buckinck die hunne zegelen in getuijgenissen hier aen hebben ǁ gehangen int jaer ons Heeren duysent vyfhondert ende sesthien eenende tweyntich ǁ daegen inden Aprille

Dorsale aantekening:

Wouter s. wilner Thomaes Wouterss.