's-Hertogenbosch

Jacob sone Andries Peeters vande Voort woonende tot Oisterwijck ǁ heeft wittelick ende erffelick vercoft Mechtelt Henricx Roggen tot behoeff van Maijken ǁ Jans de Leeuw wedue Henricx Janssen Roggen haere moeder, eenen iaerlicken ende erffelicken ǁ chijns van thien ende eenen halven carolus gulden tot twintich stuijvers goets gancbaers ǁ gelts elcken gulden gereeckent, te betaelen alle jaer erffelick opten derden dach der maent ǁ novembris ende voorden iersten termijn van betaeelinge opten derden novembris anno ǁ XVI^e eenentsestich, ende binnen dese stadt vrij van alle beeden ex actien, subventien ǁ comeren, schattingen ende lasten ingestelt ende noch naermaels ingestelt te worden ǁ egeene lasten uutgescheijden te leveren, van ende wt een stuck ackerlants groot ǁ omtrent drije loopensaten gelegen onder de vrijheijt van Oisterwijck, tussen erve ǁ der erffgenamen van Capiteijn Pijnappel aen d'een sijde ende mit d'een eijnde, ende tussen ǁ erve Adriaen Janssen vande Laer aen d'ander sijde, streckende mit d'ander eijnde ǁ aende gemeijn straet, ende alnoch van ende uut huijs erve, hoff ende erffenissen ǁ dien aenliggende groot drije loopensaten lants gelegen onder de parochie van ǁ Oisterwijck voors., tussen erve Wouter Jan Willems aen d'een sijde, ende tussen ǁ erve Rochus Aertssen aen d ander sijde, streckende vanden gemeijne straet tot ǁ op erve Peeter Claessen, soo hij verclaerden vanden selve Maijken mitten erffrecht ǁ te hebben ende te besitten, ende heeft die voorn. vercooper den voors. chijns der voorn. ǁ Mechtelt tot behoeff vanden voors. Maijken opgedraegen mit gelovelinge vertijdenis ǁ in manieren in dier gewoonlick zijnde, geloevende die vers. vercooper als sculdenaer ǁ principael op verbant van sijnen persoon ende alle zijne goederen present ende toecomenden ǁ dat hij de voorn. Maijken vanden voorsc. chijns sculdige ende gerechte sal doen warant ǁ schap, ende dat hij allen anderen commer, calangie ende aentael inde voors. onderpanden ǁ wesende oft comende den voorn. maijken aff sal doen geheelicken wt genomen eenen ǁ chijns van thien ende eenen halven gulden aen Gijsbert van Doren, ierst jaerlicx ǁ van rechts wegen uut den tweeden onderpande te vergelden staen, soo hij ǁ seijde, ende dat hij oijck de voorsc. onderpanden voor de betaelinge des voors. chijns de voorn. ǁ Maijken jaerlicx daer uut, als voor te vergelden, altijt goet genoch ende welduegen ǁ sal maecken ende houden, met conditien inne desen toegedaen dat die voors. ǁ vercooper den voors. chijns tot allen tijden sal moegen lossen ende quijten t’effens ǁ ende ten eenemael mitte some van tweehondert Carolus gulden tot ǁ twintich stuijvers goets permissie gelts elcken gulden gereeckent, ende ǁ mitten loopende jaerchijns ende achterstellen ten tijde der afflossinge daer ǁ van t achter ende ombetaelt staenen Behoudelick dat men den voors. los schuldich ǁ ende verbonden sal wesen een halff jaer te voorens wittelick te vercondigen ǁ ende op te seggen, Getuijgen waeren hierover scepenen in Shertogenbossche ǁ Jan Daniels van Oerle ende Joost Aertssen Canters, Gegeven den derden ǁ dach der maent novembris int jaer ons heeren duijsent sess hondert ǁ ende t'sestich.

L. van Kessel

Littera marie

Linkermarge:

Debet sigilum nul ǁ de [ordonnantie] totte ǁ de contributie vant cleijn ǁ segel tijde den ǁ extensie daer van ǁ [weer]houden sich

Dorsale aantekening:

IJacop Andriesen ǁ van der Voort

Oisterwijck ǁ Constitutie van ǁ X 1/2 gulden