Loon op Zand

Wij Bartholomeeus Jans s. ende Jacop Jans s. de Bonte scepenen in Venloon doen condt eenen ijegelijcken dije deze letteren ǁ sullen sien oft hooren lesen, dat op datum van huijden voir ons gecommen ende gecompareert zijn in propere persoonen joncker ǁ Dirrick van Grevenbroick heere tot Venloon ende joncfrouwe Philiberta van IJmmersseel zijn huijsvrouwe als alde vader ende alde moeder ǁ van Josijna onbejaerde dochter van (salijger) jonckeren Florijssen van  Grevenbroick soene van hen comparanten, dair moeder ǁ aff is joncfrouwe Cornelia van Herff weduwe des voirs. joncker Florijssen vrouwe tot Bochoeven, ende hebben der selver ǁ Josijne tot tutoren ende mombaren geordineert ende gedeputeert, ordineren ende deputeren midts dezen, heeren Jannen van IJmmer ǁ seel riddere heere tot Bouderijes, heeren Henricken van Berchim riddere heere tot Berchim, jonckeren Adriaenen van ǁ Malssem heere tot Tijlborch, ende jonckeren Florijssen van Boechoult, gevende den selven absent als present ende elcken van ǁ hen bijsondere vrij volcomen macht, auctoriteijt ende sonderlinge bevelen, inden naeme ende tot behoeff der voirs. Josijne alle ǁ ende een ijegelijcke goeden egheen uuijtgenomen, dije der selver Josijne nu oft naemaels sullen competerende zijn te aenveerdene ǁ te regeerene, te verantwoordene ende te beschermene, tzij inne recht oft dair buijtene, zoo wel int eijsschene als verwe ǁ rene voir alle ende eenen ijegelijcken richteren ende wedthouderen, zoo wel geestelijck als weerlijck midts alle doende wat recht ǁ ennichsins oirloeft ende admitteert oft requireert, ende behalven dijen van allen ende eenen ijegelijcken geschillen, questien ende onver ǁ standen dije tot dijer caussen, tusschen den voirs. mombaren ende tusschen ennijgen anderen zijn oft souden mogen oprijssen, ge ǁ moveert ende voorts gekeert wordden, mindelijck accoordt, compositie oft transactie te maickene, oft dije inne duuijtspraick ǁ van discreten ende goede mannen te submitterene, uuijtspraicke dair van te verwachtene, te approberene oft te reproberene, item ǁ dije selve goeden te verhuerene oft te verpachtene, openbairlijck oft uuijtter handt, van dijen goeden ende allen anderen jairlijcx ǁ oft dagelijcx innecommen der voirs. Josijne competerende, tot haren proffijt, ontfanck ende uuijtgeven te hebbene, item te vercoo ǁ pene alle zoo danijge mobelen ende haeffelijcke goeden als hen tutoren sal beduncken oirbalijcker vercoicht dan voirder voirs. ǁ onbejaerde dochtere behouden te worddene, ende de selve dochtere tonderhoudene oft doen onderhoudene, instrueren ǁ ende tot eenen goeden staedt te brengene, voirts generalijck ende specialijck int gene voirs. is allet te doene, dat men ennichsins ǁ voir onbejaerden kijnderen soude moigen doen ende hen tutoren oirbaerlijck sal verduncken gedaen te wordden, all waert dat ǁ de saicke naerder bevel behoefden dan voirs. is midts der machte van te moigen constitueren eenen oft meer onder gelijcke ǁ oft gelimiteerde macht, bijsondere te stellene eenen administrateur, rentmeester ende goeverneur van allen den goeden der selver ǁ onbejairde dochtere tharen coste, onder wettijge reale rekenijnge bewijs ende reliqua, biddende zijn comparanten zeer herte ǁ lijcke den voirs. tutoren dat zij den voirs. last willen aenveerden ende doen als zij hen tselffde ende allents goets betrou ǁ wende zijn, biddende voirts allen ende ijegelijcken heeren officieren, ende wedthouderen dair dije goeden van der selver Josijne ǁ (oft ennijge van dijen) moichten gelegen ende resorterende zijn, dat heure edelheijt ende heure eerweerdicheijt wilt gelieven ǁ den voirs. tutoren (int gene wes voirbes. is ende wes dije saicken eijsschen,) te confirmerene ende tauctoriserene op verbindtte ǁ nisse van allen den goeden der voirs. Josijne, noch hebben joncker Dirrick ende joncfrouwe Philiberta comparanten voirgenoempt ǁ op verbintenijsse van allen hennen goeden, ende heeft dije voirs. joncfrouwe Philiberta met consent van den voirs. joncker Dirrick ǁ van Grevenbroick als haren mombare allet gene ende wes dair inne bijde voirs. heeren Jannen van IJmmersseel riddere, heeren ǁ Henricken van Berchim riddere jonckeren Adriaenen van Malsem ende jonckeren Florijssen van Boechoult oft heuren gecom ǁ mitteerden gedaen ende voirtsgekeert sal wordden, altijt vast, stedich ende van weerden te halden ende der voirs. Josijne doen ǁ houden, ende alle de selve van allen costen, scaden, ende interessen, dije zij te dijer caussen moichten doen ende lijden ǁ tegen eenen ijegelijcken te releveren. In kennijsse van dezen zoo hebben wij scepenen voirgenoempt onse segelen hier onder ǁ aengehangen int jaer ons heeren duijssent vijffhondert negen ende vijftich den XVI^e dach julij. ǁ Ende wij mombaren voirgenoempt hebben ter begeerten van den voirs. comparanten dezen last alzoo voirs. staedt geerne ǁ aengeveerdt ende veerden midts dezen geerne aen, in kennijsse van dezen hebben wij elck onssen name opt spatien van ǁ dezen selver met onsser eijgen handt gescreven. ǁ Jan van IJmmersselle ǁ Henricke van Berchem ǁ Adriaenen van Malssen ǁ Floris van Bocholz ǁ

In dorso:

Schepenbrief der heerlijckheijt Loon ǁ voor het stellen der momboiren over ǁ Josijne dochter van Floris van Greven ǁ broeck. ǁ Numero I^CXIII ǁ Loon ǁ