Vindplaats van het origineel
Regionaal Archief Tilburg, toegangsnummer 1432, Charterverzameling Loon op Zand, inv.nr. 40.
19 november 1612
Samenvatting oorkondetekst
Akte van verkoop voor schepenen van Antwerpen, door Digne Goossens Jans, dochter van Paesschyne vander Hagen en Laureys vander Weele, beide overleden, aan Janne Frans den oude, van een zesde deel van een rente.
Transcriptie
Wy Cornelis de Wyse ende Robrecht Tucher scepenen van Antwerpen maeken condt dat voor ons quam Digne Goossens Jansdochtere wylen daer moedere ǁ af was wylen Paesschyne vander Hagen weduwe wylen Laureys vanden Weele met eenen momboire heur gegeven metten rechte, ende bekende dat sy ǁ omme eene somme gelts die heur al ende wel is vergonden, vercocht heeft wel ende wettelyck Janne Frans den ouden, t sestedeel heur mits der giften ǁ tusschen den levenden by Margriete Goossens heurer susteren den sesten meerte des jaers XVIc ses [*** heur] comparante profyte (onder andere) gedaen voor ǁ den presiderenden borgermeesterlicken ampts tot Dantzig competerende van twintich guld[en erff]lyck metten onbetaelden achterstelle dairaff ǁ verschenen de voors. wylen Paesschynen vander Hagen voerde tocht ende heuren kinderen vo[or derf]licheyt toegeven en van wylen Catlyne de Weele ǁ heurer moeyen inde een hondert sessendertich carolus guldenen tsiaers erflickere renten, da[***] Digne Zuyts der voors. wylen Catlynen moedere ǁ weduwe wylen lestwerfs Lenaerts [**poer] met eenen momboere heur gegeven metten rechte negenentwintichsten aprilis des jaers XVIc seven ende ǁ tsestich terve gegeven heeft Janne van Wyck ende Sara Harmans syn huysvrouwe een [***] ter plaetse keldere achtercoecken voorde ǁ regenbacke tronde ende toebehoirt[en] [ ***] den [***]ten Arent, gestaen ende gelegen [ metten] giericput alhier tusschen de w[***] ǁ ander huys aen deen syde westwaert ende Thomas vander Vloet huys was aen dandersyde oostwaerts comende alhier [***] ǁ achtercoeckene aen derve vanden [***]aer verschynende jaerlix te halff meerte [***] ǁ wy verstonden alsoo dat de voorschreven Digne Goossens met heuren voors. momboire tsestedeel vander voors. twintich gulden ǁ metten onbetaelden achterstelle daeraf verschenen, opdroegh met verthydene ende claer[***] quyte tehout tallen daigen tes v[***] ǁ Jans Frans des ouden ende tot syner nacomelingen behoeff, met allen den rechte dat sy daeraene hadde ende houdende was, ende ǁ bekende dat sy egeen recht meer daeroms en behielt, ende geloefde hem dat te waeren jaer ende dach jegens alle d'gene die ǁ te rechte comen willen, ende te claerne tallen daigen, los vry ende quyte van allen commere ende calangien sonder argelist ǁ ende behoudelyck den heere syner rechte, in kennissen van desen litteren besegelt met onsen segelen. Gegeven int jaer ons heeren als men ǁ screeff sesthienhondert ende twelffve den negenthiensten dach der maent novembris ǁ J Gauret ǁ
In dorso:
[***] Arent ǁ numero 14 ǁ