Loon op Zand

Jan sone wilner Gerits van Scouwen als man ende momboir zijns wijfs eenen ǁ acker lants in zijnre grote gelegen in die prochie van Venloon ter stede ǁ geheeten aent eijnd metter oister zijde eenen Jan van Schouwen, die weste ǁ zijde neven Peter Jan Lemmensen ende Rob Geeritsen streckende van theerenstraete ǁ tot erffenisse die weduwe Joost Roggen ende Huijb Lambertssen welcken ǁ acker lants Marie Janssen huijsvrou aencomen is van Huijbert Janssen ǁ haeren vader ende Hubert voirs. heeft den voors. acker van Peter Janssen ǁ als hij seijde, heeft Jan voors. als mombir zijns wijfs desen ackerlants ǁ voors. opgedraegen ende overgegeven Adriaenen Janssen van Grevenbroeck ǁ in sulichser voirwaerden ende heeft daer helmelinge op vertegen als recht ǁ is belovende als een principael schulder op hem ende op allen zijn goet ǁ hebbende ende vercrijgende Arianen voors. desen acker lants te waeren ǁ voir des theeren cijns ende voer twelff lopen roggen jaerlijck ende erffelijck ǁ te betaelen Jannen voors. ende zijnen naecomelingen sjaerlijck ende erffelijck te ǁ gelden op onser liever vrouwen dach lichtmis ,ende allen anderen commer aff te ǁ doen, Getuijgen waeren hier over Schepenen in Venloon Ariaen Henricxssen ǁ ende Pauwels Henricxssen , die henne zegelen hier onder aen in getuijgenisse ǁ hebben doen hangen int jaer ons heeren vijffthienhondert ende ǁ eenendertich den Seventwintichsten dach der maent van April ǁ Secundario extensi propter [caam***] in ǁ protecolle nota[***]