Loon op Zand

Bartholomeus soen wilneer Willem Wijnen heeft geloeft als een principael sculder hem te ǁ geven ende te gelden Korstiaen Jan Eelen soen tot behoeff der mater des convents vanden ǁ Uulenborch eenen jaerlijcken ende erffelijcken pacht van vijf lopen roggen der maten vanden Bosch ǁ alle jaire te betalen op Onser Liever Vrouwen dach Lichtmis ende ten Bosch te leveren uut ende van ǁ sijn erfenissen metter timmeringen daer op staende gelegen inde prochien van Venloen aent eijnd ǁ metter eender zijden neven die cromstraet metter ander zijden neven een erfenis datter leech leit ǁ ende Peter Leijten streckende van tHeeren straet tot Huijbert Lamberts erfenis toe als hij seide ende ǁ hevet hem opgedragen ende overgegeven met afgaen ende vertijen als daer toe behoert ende ǁ recht is gelovende als een principael sculder op hem ende allen sijn goet dat hij nu heeft ǁ ofte vercrijgen mach Korstianen voers. tot behoeff der mater voers. den erfpacht voers. te ǁ waren als men erfpacht sculdich is te waren ende die erfenis metter timmeringen altijt goet ende ǁ waeldogende te maken voer betalinge des erfpachts voers. orconden hebben hier over geweest ǁ scepenen in Venloen Zeger Willemssoen ende Peter Jan Henrixsoen die hoeren zegelen hier aen hebben ghehangen ǁ int jaer ons Heren duijsent vijfhondert ende derthien den XIII dach in februario ten Bosch ǁ te leveren

[***]

Dorsale aantekening:

Jan Curijnen Geeritsen ǁ cum suijs tot Loon deberunt?   

[truij vijns] vijff lopen ǁ nu ter tijt Peter Adriaenssoen