Hilvarenbeek

Wij Willem Aert Thielmans ende Aert Lom scepenen inne Beeck tuygen onder onsen ǁ gemeynen zegele dat voir ons is commen Mathys sone wijlen Henrick Wijten, ende heeft ǁ vercocht ende gelooft jaerlijcks ende erffelijcks te gelden ende te betaelen Henricken sone ǁ wijlen Adriaen Gevaerts Een jaerlijcken ende erffelijcken rente van vierthien carolus gulden tses ǁ twintich stuvers voir den gulden gerekent off de gerechte weerd inne anderen goeden gelde ǁ daer voir alle jaer op Onser Vrouwendach Lichtmisse ende ierstmael op Lichtmisse ǁ ierstcomende uuyt ende van sekere stuck ackerlandts geheyten den padtacker gelegen ǁ tot Esbeeck inde cleynacker aldaer aen erffenisse der weduwe ende kinderen wijlen ǁ Jan Willems vande Langryth suytwaert, ende erffenisse Lambrecht Dircxen westwaert ǁ ende erffenisse Adriaen Jan Bayens noortwaert, streckende oistwaert neffens ǁ
erffensse Jan Henricx van Hooffne. Item uuyt ende van eenen stuck bempts gelegen ǁ inde Cromschotten aldaer aen erffenisse Jan Willems vande Langryth suytwaert, ende ǁ erffenisse Jacob Gevaert Beersmans westwaert ende erffenisse des vercopers ǁ noortwaert streckende oistwaert neffens erffensse Mathijs Claessen van ǁ Mierde met meer andere als hij seyde ende die voirs. Mathys vercoper ǁ heeft gelooft opte verbyntenisse van syne goederen hebbende ende vercrygende ǁ
dese erffrente te waren also enen erffrenten met recht schuldich is te waeren ǁ ende d'onderpanden voirs. altyt goet seker ende waeldoegende te maecken voir ǁ die betalinge die jaerlyckse rente voirs.. Gegeven int jaer ons heeren duysent ǁ sessehondert ende vier den seven ende twintichsten dach february ǁ Bartlomeus de Cort