Hilvarenbeek

Wij Cornelis van Scerpenborch ende Adriaen die Brouwer scepe(ne)n in Beeck tuijgen onder onsen ǁ
gemeijnen zegel dat voer ons is comen, Aerdt zoen wilner Willem Thielmanss ende heeft geloeft als een principael ǁ [scul]denaer den eerwerdigen heeren ende meesteren Adriaenen Loef deken Jacopen van Ameroijen ende Peteren ǁ Sijmens canonicken der collegiate kercke van Sinte Peters tot Hilwaerenbeeck tot behoef vanden heeren dekens ǁ ende canonicken der zelver kercken Inder tijt weesende residerende, dat hij gelden ende betalen sal den selven heeren ǁ [eenen] jaerlijcke ende erffelijcke rente van vier karolus gulden ende thien stuvers, twintich stuvers voer elcken ǁ karolus gulden gerekent oft die werde in anderen goede gelde daer voer, alle jaere op Onser Vrouwen ǁ dach Lichtmisse ende waer af den ijersten dach van betalingen was op onser vrouwen dach lichtmisse lestǁleden, uuijt ende van sijnre huijsinge ende hoevinge metter erffenisse daer aen liggende ende daer toebehoerende ǁ gelegen inder prochie van Beeck ter plaetsen geheijten aen die beerthen, tussen erffenisse heere ende meester ǁ Peter Sijmonis optie een sijde, ende tussen erffenisse heer Willems van Laerhoven optie andere sijde, streckende ǁ van der vroenten totter erffenisse aens canonicx proevene ende noch uuijt ende van eenen stuck beempts ǁ gelegen inden oijvadershoeck tussen erffenisse Anthonis Marcellissen Zweens optie een sijde, ende tussen [***] ǁ