Vindplaats van het origineel
Tilburg, Regionaal Archief Tilburg, toegangsnummer 1428, Charterverzameling Hilvarenbeek en Diessen, inv. nr. 165.
23 september 1520
Samenvatting oorkondetekst
Akte van verkoop voor schepenen van Hilvarenbeek door Amijss zoon van Henrick Mijss aan Jan zoon van Peter Jan Wijten, van een jaarlijkse erfrente van 42 stuivers, uit een beemd gelegen in Haegorst.
Transcriptie
Wij Jan van Eynde ende Henrick Mathijss. van Goirl scepenen in Beeck tuygen onder onsen gemeynen ǁ zegel dat voir ons is comen Dinys z. Henrick Mys ende heeft erffelijcken vercoft ende geloeft te ǁ gelden ende te betaelen jaerlijcken ende erffelijcken Jannen z. Peter Jan Wijten tweendeveertich stuvers ǁ jaerlijcken ende erffelijcken renten allen jare te gelden ende te betaelen op Onser Vrouwen dach Licht ǁ misse uut ende van eenen stuck beempts gelegen op Haegorst metter eender sijden neven erffenisse ǁ Heilwich Dirick Zibben metter andere sijden neven erffenisse Henrick Peters z. ver Spaendonck ende der ǁ kijnderen Melchiors syns zwaegers hoedende metten eenen eynde aen erffenisse Diricx die Mesmeker ǁ metten anderen eynde aen den Broecstraet Noch uut ende van synder huysinge ende hoevinge op Hagorst ǁ gelegen metter ander sijden ende metten eenen eynde aen die vroent metter ander sijden neven erffenisse ǁ Dircx vanden Boer als hij sede ende Dinys vercooper voirs. heeft geloeft op hem ende op allen syn ǁ goeden hebbende ende vercrigende dese voirs. onderpanden den voirg. Jannen cooper altijt goet zeker ǁ ende waeldoegende te maken als voir dese tweendeveertich stuvers erffelijcken renten voirs. ende dese ǁ erfrente voirs. te waeren alsmen erfrente met recht sculdich is te waeren Gegeven int jaer ǁ ons heeren dusent vijfhondert twintich ende twee, drieentwintich dage in septembri