Hilvarenbeek

Jan [***] ende geloeft als een schuldenaer principael jaerlicks ende ǁ [***] te betaelen Antonisen Jansen de With als rentner ende tot behoef van Maijken ǁ [***] kijnderen wijlen Peter Lenaerts eene jaerlicke ende erffelijcke rente van vijff ǁ [***] carolus gulden, ten prijse van twintich stuijvers, alle jaer op Onser Liever Vrouwen ǁ dach Lichtmisse, ende ierstmael te lichtmisse eerstcomende, loss ende vrij van alle ordinarisse ende ǁ [***] dorps lasten ingestelt off innegestelt te worden, welcker hande ende hoedanich ǁ denselve lasten souden mogen wesen off genaempt worden, egeene daervan uuijtgescheijden uuijt ǁ ende van sijnen huijsinge, schuere, hoff, boomgaert aengelaeghe ende erffenisse daer aen liggende ǁ [***] toebehoirende gestaen ende gelegen binnen Hilvarenbeeck ter plaetsen genoempt het Hooghspul ǁ [***] ontrent sess lopensaet, aldaer neven erffenisse Corstiaen Niclaes van den Sande mette ǁ noirdensijde aen de erve desselve Corstiaen ende Willem Hessels mette suijdensijde, derve desselffs ǁ Corstiaen, ende derve desselffs vercoopers, met meer andere metten oistereijnde, streckende metten ǁ [***] aende vroente, als sij seijde, ende die voors. Jan V [***] heeft geloeft als ǁ een schuldenaer principael op hem ende op alle sijne goederen, hebbende ende vercrijgende dese ǁ erffrente te waeren, gelijck men erffrenten met recht schuldich is te waeren ende d'onderpanden ǁ voirs. altijt goet seker ende weldoegende te maecken, voor de betaelingen der jaerlijcke ende ǁ erffelijcke rente voors., met voorwaerden toegedaen, dat die voor vercoopere alle jaer op Onser Liever ǁ Vrouwen dach Lichtmisse, tot sijnen schoonsten als hen gelieven sal, comen sal moegen [***] lossen ende quijten ǁ de voors. erffrente metter somme van hondert carolus gulden ten prijse als voor den hollantsche [***] munten altijt ǁ metter jaerrente ende achterstel ten achteren ende ombetaelt staende, behoudelijck den loss een halft jaer van te vooren ǁ op te seggen allet sonder argelist, Gegeven den vierthiende februarij vanden jaere ons Heeren XVI^C twee ende vijfftich ǁ des T'oirconden hebben wij Aert Thielmans ende Anthonie Henrick Wilborts als schepenen der vrijheijt ende dingbancke ǁ van Hilvarenbeeck, [***]us den clerck van mij secretaris aldaer over de constitutie daer gestaen hebbende den gemeijnen ǁ schependomszegel hier aen doen hangen neffens de signature van mij secretaris.ǁ H. Ghijssels ǁ