[Onbekend]

Philips bijde gratie goids Coninck van Castillien van Leon van Arragon van Navarre van Napels van Sicillien ǁ van Maillorcke van Sardanie vanden Eijlanden ind[e]n ende vaster [ee]rden der zee occeane, Eertshertoge van Oistenrijck hertoge van Bourgonignen van Lothrijck ǁ van Brabant van Limborch van Luxemborch van Geldre ende van Milanen, Greve van Habsbourch van Vlaenderen van Artois van Bourgonignen palsgrave ǁ ende van Henegouwe van Hollant van Zeelant van Namen ende van Zutphen, prince van Zw[em]e, mercgrave des Heijlichs Rijcx, heere van Vrieslant van Salins ǁ van Mechelen vander stadt steden ende landen van Uuijtrecht Overijssel ende Groeningen, ende dominateur in Asie ende Affrijcke, Allen den ghenen die dese ǁ onse brieven sullen sien oft hooren lesen saluijt. Alzoo ons in onsen rade geordineert in desen onsen lande van Brabant waere zessentwintich dagen inde maent ǁ van augusto int jaer duijsent vijffhondert eenentzestich van wegen van onse beminde den schouteth, scepenen kerckmeesters,ende heijligeestmeesters der vrijheijt van ǁ Hilvarenbeke bij heure supplicatie gethoont ende te kennen gegeven geweest in substantie hoe dat alzoo doen ontrint onderhalff jaer oft meer geleden de groote clocke ǁ vander voirs. kercken was gescheurt ende gebroken geweest, ende de voirs. supplianten tot diverssche stonden hadden gerequireert ende doen requireren den proest ǁ van Audeneijck t capelle vander voirs. kercken ende andere aldaer onder de prochie de groote thiende [***][an]dere clocke te doen maken ende daer toe [***] ǁ gelijckelick te contribueren. Gelijck zij navolgen den statuijten synodalen waeren schuldich te doene. Soo en hadden zij nochtans daer toe tot doen toe nijet ǁ verstaen noch yet gedaen daer deure de gemeijnte zeer wijt ende verre verspreijt zijnde groot interest was lijdende tot heuren grooten achterdeele ende meer zijnde ǁ zoo verre hen daer op nijet en waere versien. Soo zij seighden. Ende want de heffers vande voirs. thienden waeren geseten in diverssche plaetsen ende oick ǁ ennige buijten onsen voirs. lande van Brabant ende dat anderssins dijen van onsen voirs. rade in Brabant toebehoirde de steden vrijheijden ende gemeijnten vanden ǁ selven onsen lande van Brabant van sulcke ongebruijcken te doen versien. Soo hadden de voirs. supplianten ons oitmoedelick gebeden hen daer inne te willen versien ǁ van onse provisie ende remedie van insicie daer toe dienende. Welcke supplicatie wel ende int lange in onsen [voi]rs. rade van Brabant gesien waeren ǁ den voirs. supplianten daer op gegunt ende geexpedieert zekere onse opene brieven met clausule van authorizatien uuijt crachte vanden welcken onse beminde ǁ Joris Boonaert bode ordinaris te peerde van onsen voirs. rade executeur vanden voirs. openen brieven hadde hem ten versuecke der voirs. supplianten ende impetranten ǁ

der voirs. openen brieven getransporteert tot inder voirs. vrijheijt van Hilvarenbeke, Ende aldaer gedaeght die deken ende canonicken van Hilvarenbeke voirs. ǁ den proost van Oudeneijck ende Beeck aen Remeensen veltackere dexploict aenveerdenen voirden selven proost Damiae[nen] van Nerven voir de thiende van Vorsselaer ǁ ende Henrick Adriaens Bussers als ontfangere van die helft Lauren Lenaerts als facteur der fabrijckmeesters der kercken van St. Jans binnen onser stadt van ǁ

Shertogenbossche voer zijn aenpaert van tvierde gedeelte ende den pastoir van Hilvarenbeke voirs. voer alzoo vele alst der pastorije aenginck te zijnre ǁ ende te comparerene inden voirs. onsen rade van Brabant opden vierentwintichsten dach der maent van septembri doen naestcomende int voirs. jaer XV^C ǁ Eenentzestich om aldaer taenhooren alsulcken versueck ende conclusie als die voirs. supplianten ende impetranten der voirs. openen brieven zouden willen ǁ doen ten eijnde dat zij als heffers vanden thienden voirs. souden schuldich wesen die voirs. groote clocke te doen maken in sulcker grootte gelijck die te ǁ voren was geweest. Daer op tantwoordene ende inder zaken voirts te procederen soo behoiren soude. Ende want ten voirs. vierentwintichsten dage ǁ van septembri die sake werdde bij dit doen onsen voirs. rade van Brabant van officie wegen gecontinueert ende gehouden in sulcken state als die doen was ǁ tot in drij weken doen naestcomende ende daer na noch tot andere acht dagen wesenden den tweentwintichsten dach van octobri. Soo waere den voirs. ǁ impetranten tot heuren versuecke ten selven tweentwintichsten dage der maent van octobri voirs. mits der nijet comparitien der voirs. gedaeghde noch vercuren ǁ voir hen verbeijdt ende voirts geroepen nochtans zoo dat behoirde geaccordeert ierste deffault oft contumatie tot sulcken proffijte als behoiren soude ende anderen ǁ onse openen brieven inhoudende aucthorizatie. Welcke openen brieven waeren daer na bij onsen beminden Marcelisen Sprincen deurweerdere vanden selven onsen ǁ rade na heure forme ende teneur ter executien gestelt geweest die welcke tselve doende hadde ten versuecke der voirs. impetranten hem opden achthiensten dach ǁ der maent van novembri int voirs. jaer van eenentzestich gevonden tot inde voirs. vrijheijt van Hilvarenbeke bij den deken ende canonicken aldaer aenden ǁ proost van Oudeneijck ende Reecke bij Damianum van Nerven voir de thiende van Vorsselaer, Henrick Adriaens Bussers als ontfanger vander helft Laurijssen ǁ Lenaerts als facteur der fabrijckmeesters der kercken van St. Jans binnen onser voirs. stadt van Shertogenbossche voer zijn aenpaert van tweede gedeelte ǁ ende bijden pastoir aldaer voir zoo vele alst der pastorije aenginck. Ende hen respective gedaen hebbende visie ende lecture vande voirs. openen brieven van ǁ deffaulte zoo hadde hij die bovengenoempde persoonen ende elcken van hen besundert voer zoo vele alst elcken van hen aenginck van onsen wegen herdaeght ǁ te zijne ende te comparerene inden selven onsen rade van Brabant opden thiensten dach der maent van decembri daer naestvolgende. Om aldaer den voirs. ǁ impetranten te sien ende hooren aenwijsen tproffijt vanden voirs. iersten deffaulte oft contumacie bijde voirs. impetranten zoo voirscreven staet opden voirs. ǁ tweentwintichsten octobris daer te voren verworven, ende tantwoordene op dinhouden van onse voirs. voirgaende openen brieven ende inder zaken voirts te ǁ procederen ende sien appoincteren als behoiren zoude. Ende ten voirs. dage daer op dienende comparerende inden zelven onsen rade te wetenen ǁ die voirs. impetranten bij experianen Otten ende Adrianen Brouwers beijde in persoone met Laureijsen Pijnaerts heuren procureur die voirs. deken ǁ capelle ende prochiaen van Beke bij meesteren Jannen Begge oijck heuren procureur die voirs. proesst van Oudeneijcke bij Remigium veltacker met Corneliss. ǁ Diericx oick zijnen procureur die voirs. Damiaen van Nerven ende Henrick Adriaen Bussers als momboirs vanden kinderen wijlen Jans Schilders bijden zelven ǁ Cornelisen Diericx insgelijcx heuren procureur ende nijet die voirs. andere gedaeghde noch procureur voer hen verbeijdt ende voirts geroepen nochtans zoo dat ǁ behoirde. Naedien dat den voirs. impetranten waeren tot heuren versuecke tegen de voirs. herdaeghde nijet comparerende geaccordeert geweest tweeste ǁ deffault oft contumacie tot sulcken proffijte als behoiren zoude ende onse andere behoirlicke brieven waere voirts van wegen der voirs. impetranten ǁ tegen die voirs. gedaeghde comparerende versocht ende gesustineert dat zij voer tproffijt vanden voirs. tersten deffaulte bij dimpetranten tegens hen verworven ǁ zouden wordden versteken van allen exceptien declinatoir ende dilatoir ende voirts geduempt inde costen vanden zelven deffaulte na rate ende ten ǁ principale waere voirts van wegen der voirs. impetranten verhaelt dinhouden van heure voirs. openen brieven ende gecontendeert ten eijnde dat de voirs. gedaeghde ǁ schuldich zouden wesen te doen maken de groote clocke in heure openen brieven en hier boven gementioneert oft emmers daer toe niet oick totte nijeuwe ǁcreparatien die de voirs. impetranten over beijde de zijden aende kercke hadden gehangen binnen drij vijer oft vijff jaeren doen geleden ten minsten voir zoo ǁ vele als totten reparatien vanden selven afhangen was nootelick geweest. Ende tot dijen totter reparatie ende on[der]houden zoo wel vanden beucke als torren ǁ vander voirs. kercke ende alle heure toebehoirten te contrbuerene nae advenant vander portie ende quote die welcke zij hadden inde thienden onder de voirs. prochie ǁ gelegen. Makende eijsch van costen schaden ende interesten oft dat anderssins op al ende elck besundere recht ende ins[***]ie zoude gedaen wordden gelijck die van ǁ onsen voirs. rade tot meesten proffijte vanden impetranten zouden bevinden te behoirene. Ende den voirs. gedaeghde acte vander voirs. conclusien geaccordeert ǁ wesende met oick visie vanden bescheede der impetranten ende dach van berade totten eersten dingdach na derthiennisse doen naestcomende. Ware daernae van [***] ǁ