Hilvarenbeek

Wij Wouter van Spreuwel, ende Jacob van den Kerckhoff schepenen ǁ der Vrijheijt ende dinghbancke van Hilvarenbeecq tuijgen onder onsen gemeijnen ǁ schependomss zegel, dat op heden voor ons gecompareert sijn, is, Wilbort Cornelis ǁ van den Nieuwenhuijse, als man ende momboir Christina sijne huijsvrouwe dochtere ǁ wijlen Willems van der Linden, ende heeft vercocht ende gelooft als een schuldeǁ naer principael Jannen de With, tot behoeff vande kinderen Peter Lenaerts ǁ dat hij denselven kinderen sal gelden ende betaelen eene jaerlijcke ende ǁ erffelijcke rente van ses gulden, ten prijse van twintich stuijvers, alle ǁ jaer op Onser Vrouwen dach lichtmisse, ende eerstmael van overmorgen ǁ lichtmisse dach eerstcoomende over een jaer,uijt ende van een stuck ǁ beemts gelegen binnen Hilvarenbeecq, genoemt Griet Deenen beempt ǁ inden Gehuchte van Esbeecq, ter plaetsen genoemt de Broecxie ǁ aldaer tusschen erve meester Gijsbrecht vanden Nieuwenhuijse op d'oisten ǁ zijde d'erve Bartholomeis Cornelis met de westenzijde ǁ d'erve der weduwe ende kinderen Laureijs Peter Daemen metten ǁ noirden eijnden, ende aen erve der weduwe ende kinderen Peter Pauǁwels met het suijdeneijnde, los ende vrij, uijtgenoomen s'heeren chijnsen ǁ vanden gronde, Ende die voorschreven Wilbort vercopere als man ǁ ende momboir voorschreven heeft geloeft als een schuldenaer princiǁpael op hem ende alle sijne goederen hebbende ende vercrijgende, dese ǁ voorschreven jaerlijcke ende erffelijcke rente te waren, gelijck men erffǁrenten met recht schuldigh is te waren ende d'onderpant ǁ voorschreven, altijt goet seecker ende weldoegende te maecken voorde ǁ betalinge der erffrente voorschreven met voorwaerden dat die verǁcoopere alle jaer op Onser Vrouwen dach Lichtmisse tot sijnen schoonsten als hem ǁ
sal gelieven coomen sal mogen ende lossen ende quijten de erffrente voorschreven metter ǁ somme van hondert carolus gulden ten prijse als voor, volgens valuatie ǁ ende ordonnantie van Sijne Conincklijcke majesteijt, altijt metter jaerrente, ende ǁ achterstelle ten achteren ende onbetaelt staende, behoudelijck den los een halff jaer ǁ van te vooren opte seggen, gegeven int jaer ons heeren XVI^C sess ende dartich, den XXXI^e ǁ januarij. Geprothocolleert ende gepasseert door Huijbrecht Gijssels Secretaris , der ǁ dinghbancke voorschreven, ende uijtgemaeckt door mij H. Pannekoeck ǁ