Hilvarenbeek

Herman soone wijlen Jan Swolffs, soo voor [sijn] selven, ende als ǁ man ende momboir Maria sijne huijsvrouwen dochter wijlen Jan Adriaen Croeijen,ǁ heeft vercocht ende gelooft als een schuldenaer [princi]pael wettelijck ende erffelijck ǁ te gelden ende te betaelen, Wouteren Lodewijcx [***] [rentmeester] vande eerwaarde heeren ǁ deecken, ende andere heeren vanden capittele tot [***] tot behoeff van deselve ǁ heeren, omme daer mede onderhouden te worden de[***] ende jaergetijden ǁ heer Jan Lavoyts rectoir Maria Maghdalena d[***][S]imonis Willemsen, rectoirs ǁ
Sinte Georgij dominij Andries Santfoort rectoris Sinte Joannes evangelist,[***] dominij Wilbrordij Otto,ǁ rectoris Sinte Sebastianij primen fondationis, dominij Ru[***] rectoris Sinte Brigide virginis,ǁ
ende noch tot onderhouden van jaergetijt van XXI stuijver goe[d]  [***] Bartholomeus van Trier gegouwen ǁ heeft, eene jaerlijcke ende erffelijcke rente van drie carolus gulden jaerlijcx, tot twintich stuijvers ǁ elcken carolus gulden gerekent, ofte de gerechte weerde daer voor inne gepermitteerden gelde ǁ los ende vrij van alle ordinarise ende extra ordinarise oor[***] innegestelt, ofte innegeǁ
stelt te worden, welcker hande ende hoedanich dieselve e[***] mogen wesen, ofte genaemt ǁ
worden, egeene uijtgescheijden, alle jaer inden feestdach van Sinte Geeretruijdis, te halff meert, ende ǁ ierstmael Sinte Geeretruijdis als dan eerstcoomende, uijt ende van eene huijsinge, hovinge, ende aengelaege ǁ hare gronden ende toebehoorten, ende erffenisse daer aenliggende, ende da[ertoe] behoorende, gestaen ǁ ende gelegen te Eschbeecq opt Spaendoncqeijnde, tusschen erve kijnderen [***]ijs Jansen van ǁ Oirse met d[***], ende voorts rontsomme inde vroente, los ende vrij, sonder negen ǁ gulden jaerlijcx [***] twee parthijen losrenten, ende een halff mudde rogge jaerlijcx als ǁ sij verclaerden, ende die voorschreven Herman vercoopere heeft gelooft als een schuldenaer ǁ
principael onder verbintenisse van sijn persoon ende goederen, hebbende ende vercrijgende ǁ
dese voorschreven jaerlijcke ende erffelijcke rente te waren, gelijck men erffrenten met recht ǁ
schuldigh is te waren, ende d'onderpanden voorschreven al[tijt] goet seker ende weldoegende te ǁ
maecken voor de betalinge der jaerlijcke ende erffelijcke ren[te] voorschreven, met voorwaerden ǁ
toegedaen dat den voorschreven vercoopere alle jaer inden feestdach Sinte Geertruijdis coomen ǁ
sall mogen ende ende lossen ende quijten dese erffrente voorschreven metten somme van vier ende ǁ vijftich carolus gulden ende thien stuijvers, ten prijse ende inne munte voorschreven, altijt ǁ
metter jaarrente ten achteren ende onbetaelt staende, behoudelijck den loss een halff jaer ǁ
van te voorens op te seggen, Getuijgen waren hier over schepenen in Hilvarenbeecq,ǁ
naementlijck Christiaen Aben, ende Jan Martens vande Sande, gegeven int jaer ons ǁ heeren XVI^C ses ende twintich, den XX^e dach der maent martij ǁ Geprothocolleert door Huijbrecht Gijssels ǁ secretaris, ende uijtgemaeckt door mij ǁ R Pannekoeck ǁ