Hilvarenbeek

Wy Dyrck va[n] Gruenendael, Henric van Spreuwel, ende Ian van Stakenborch scepenen in Beeck tuygen ǁ onder onsen ghemeynen zeghel dat voer ons is comen Henric wilneer Steuen Symoens [sone] wilneer vanden ǁ Doeren alsulken drieentwentich lopen rogghen iaerliics ende erfeliics pachts ende alsulken dertien lopen ǁ rogghen liifpachts welc dertien lopen rogs liifpachts verwandelt siin in erfpacht welcke erfpacht ǁ voirs. wilneer Henric Symoens sone vanden Doeren schuldich is ende gheloeft heft erfeliicken te [betaelen] ǁ allen iaer op onser Vrouwen dach Lichtmis uut ende van alsulken der erfenissen als wilneer Henric voirs. ǁ besittende was ghelegen in hoerder groetten tot Veresbeeck neven erfenis Peter Monen aen deen siide ǁ ende erfenis Anchem Yden ende dat Henrics vanden Doeren te wesen plach aen dander syde hoedende met ǁ beyden einden aen die ghemeint gheliic als dat in scepenen brieven daer op ghemaect volcomeliicker ǁ begrepen is die wy scepenen voirs. saghen ende hoerden lesenden algheheel ende [on]ghecancellert heeft Henric ǁ wilneer Stevens soen voirs. dese voirs. drieentwentich lopen rogs erfpachts ende die dertien lopen ǁ rogs erfpachts te samen metten scepenen brieven daer afspreckende erfeliicken overghegheven ǁ ende opghedraghen met afgaen ende vertien als dat ghewoenliicken is Willemen wilneer [***]ǁ soen van Gorp vanden voirs. Willemen den erfpachts voirs. te heffen ende tot siinre erfeliicken [***]ǁ besitten ghelovende dese voirs. Henric op hem ende op allen siin goet dat o[.] d[***]ǁ gheven euweliicken vast ende stendich te houden ende allen voer commer van sinen weghen ende [***]ǁ Stevens siinen [***] weghen altemael af te doen den selven Willem Ghegheven int iaer ons ǁ Heeren dusent vierhondert ende acht en viiftich in iunio eenentwentich daghen