's-Hertogenbosch

Wij Gerart Tielemans ende Johan van den Berch scepenen inne Shertogenbossche doen ǁ
cont ende kennelijck eenen ijegelijcken, dat op heden datum deses voor ons persoonlijck is verschenen ende gecompareert Maijken ǁ Jan Arien Willeboorts van Nieuwenhuijs wittige huijsvrouwe van Jacob Gerit Merten Schoenmaeckers burger ǁ ende poirter der stede van Briele, Inden name ende als gerechticht vande voirnoemde Jacob haeren man in procuratie ǁ brieven der burgemeesteren ende regieders der voirnoemde stede van Briele, In date den iersten dach deser loopender maent julij ǁ ende uut crachte der machte deselve Maijken, daerbij (soo blijckende was ) gegeven ende verleent mit haeren momboir bij ǁ haer hiertoe vercoren ende haer vande rechter naer gewoonten gegeven, ende heeft deselve oepentelijck beleden ǁ ende bekent dat d'erffgenaemen van Maeijken dochtere wijlen Adriaen Wilborts vanden Nieuwenhuijse, haer hebben uuijtǁgereijckt ende te vollen betaelt alsulcke somme van drije hondert carolus gulden, als de voirs. Maeijken Adriaens ǁ in haeren testamente voor Gijsbert vanden Nieuwenhuijs als [oepenbaer notaris ende sekere] getuijgen op ten twintichste ǁ aprilis lestleden gepasseert, aenden voirnoemde Maijken Janssen [geconstitueerde hadde gelegateert] ende gemaeckt, Schelten ǁ alsoo daer van quijt, los ende vrij de voorgemelte erfgenaemen mit alle [haere goederen, oiren, erfgenaemen] ende naercomelingen, ende ǁ voirts universel alle anderen hier van mit recht quijtantien behoeven, [Gelovende die voors.] Maijken geconstitueerde mit ǁ haeren momboire voirnoemd als gemechticht ende uuijt crachte [haerder voirs. gegevender machte] op verbant van alle haere ǁ ende haers mans goederen present ende toecomende, [***] belijden [***] betaelen ende quijtǁschelden altijt vast, stendich ende van werde te houden sonder [eenigh] tegenseggen ende den voirs. erffgenaemen mit ǁ alle haeren goederen, oiren erffgenamen ende naecomelingen ende voirts universelijck alle andere hier van met recht ǁ quijtantien behoeven van voirdeel uuijt [onleesbaar] van [onleesbaar] voirs. is tegens eenen ijegelijcken t' indemneren, costeloos ǁ ende scadeloos t'ontheffen ende houden haere kennisse der waerheijt, soo hebben wij scepenen voirs. onse zegelen ǁ aen desen brieff doen hangen, Gegeven den negensten dach der maent julij int jaer ons Heeren duijsent ǁ sesshondert ende eenenveertich ǁ A. van Kessel ǁ